NEHEMIA 5:9 - WUKE SUSI WATTI'U AL᷊AL᷊USASSA

⁹ Ana see i ya'u nabbisara apia, “Inolaannu udde lal᷊eo! Ṛinone i yamiu mabbiakka ringannu matta'uttu Ruata. Ringannu aroddi seetti ite apan tawe mawune udde tawe onggol᷊anni yamiu tempone mallobossa si ite.

NEHEMIA 5:9 Referans Kwoze

IMAMATTA 25:36

Imbaṛṛangnga maddorongnga wungane wuassu apa apan niapawallasa si tou, arawe ṛinone i yamiu mata'uttu Ruatanu, wuṛṛu wala'e taumata udde mabbiakka su wallati yamiu. Arie lai manganu auntunganna wuassu anna apan niwal᷊ungngu si tou.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

2 SAMUEL 12:14

Arawe ana waugu i Tuangnga buatte nangal᷊uandaga Mawu ringannu inolaannu udde, ana'i Tuangnga esakka apan wakkute niasungkanga udde sarun nate.”

TITUS 2:5

maola'a pande, mabbiakka susi wuṛṛu maola'a inangnga su lal᷊oṛṛon bal᷊e apan mapia wuṛṛu masallunga awingnge. Ringannu aroddi tawe saran sangkatou apan wotongnge mapaasal᷊an watti'u Ruata.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

YEHEZKIEL 36:20

Watukkuapa i mangitou inai, i mangitou sidutu mandal᷊eo arang-Ku apan na'ukkassa. Ana waugu manga taumata mabbisara arendi, ‘Walahanna indi uddewe umattu Ruata, arawe i mangitou ṛinone manantangngu leta'a apan nionggollu Ruata si mangitou.’

AMSAL 24:23

Manga taumata pande buatte nabbisara ereindi: Mallaṛṛuungnga tawe wotongnge mangempe samba'a.

AMSAL 19:2

Araṛṛimadda ringannu tawe asingkatta, lal᷊eo; taumata apan uasasaṛṛawutta sarun ma'ola'a pasasal᷊a.

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

AMSAL 17:26

Tawe su ṛinone mangandangngu denda su taumata apan tawe sal᷊ane; tawe su ṛinone mangallangnga taumata apan mapia.

AMSAL 16:29

Taumata maṛṛagissa mallinga manga hawene, wuṛṛu mangapiddi mangitou sulal᷊ummu asasilaka.

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

NEHEMIA 4:4

Ne i ya'u niumal᷊iomante, “Oh Ruata, daringiṛṛewe ereapa i yami lallobbosanna! Lal᷊obbossa udde antimanna maṛṛia'a si mangitou sassane. Wala'e al᷊awo'u darotongngi mangitou aṛṛoanna wuṛṛu i mangitou sassane ṛuwoanna maola'a tawananna watukku wanua waine.

1 SAMUEL 2:24

Ariete pa'ola'a aroddi ana'u. Tumaniten dal᷊eo atonna inolaanna apan ipagahatton walahannu Mawu su ola'i yamiu!

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

PANDARIADDI 20:11

I Abraham sinumimbakka, “I ya'u naṛṛingidda, isindi tawe taumata matta'uttu Mawu Ruata, na'oman sara i ya'u pateannu taumata apan maapulun awingku.

NEHEMIA 5:10

I ya'u sassane, manga tuṛṛangku wuṛṛu manga hawe'u buatte napawallassu roitta wuṛṛu gandumma su tumana'a. I yami tate maddorongnga apia.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?