NEHEMIA 13:13 - WUKE SUSI WATTI'U AL᷊AL᷊USASSA

¹³ I ya'u napamanaran manga taumata manansunna indi iapal᷊u'adda manga wabbo'an bal᷊unna udde: Imam Selemya, Zadok sangkatou mapapanden Tita wuṛṛu Pedaya sangkatou Lewi, Hanan ana'i Zakur wuṛṛu pulunni Matanya ta'u niapamanara massumbala si mangitou. I ya'u masingkatta manungku manga taumata udde wotongnge apangimananna wuṛṛu sarun mammanara patatahia manga saranapa udde su manga hawene sangkamanaranna ringannu matul᷊idda.

NEHEMIA 13:13 Referans Kwoze

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

2 MARARATU 22:7

Manga mandariaga manara udde tawe awusune, nariaddi salaiwe tawe madorongnga reengannu roitta wuassi mangitou.”

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

WATTI'U MANGA RASUL 6:1

Manga mallal᷊aṛṛenggennu Mawu Yesus mallannu aatambanna anambone. Su tempo udde manga taumatan Yahudi apan mabbisaran Yunani naola'a tawe mal᷊uassa su saruannu manga taumatan Yahudi tumanangnge. Apan mabbisaran Yunani udde nabbisara, “Manga wawineng kami apan inawal᷊uanna tawe naasomba tahia ipabiakka miallo-miallo apan nitahia su manga taumata.”

NEHEMIA 12:44

Sutempo udde manga pira taumata niapamanara mandiagga manga wabbo'an bal᷊unna tampa pangaddoannu manga sasumbala hunan Wal᷊en Mawu, nasutta manga sasamba sepere mapul᷊o wuṛṛu hessin pangitinganna apan paarorone suapan tonna. Manga mandariagga udde ṛinone mangammullu manga sasumbala udde wuassu manga wawail᷊anna maranin manga soa. Manga sasumbala udde nintatilla su manga imam wuṛṛu manga taumatan Lewi, uasul᷊ungngu atorannu Tita. Manga taumatan Yehuda mangngaddatta manga imam wuṛṛu manga taumatan Lewi udde,

2 MARARATU 12:15

Manga mandariaga manara udde tawe awusune, nariaddi tate lai maiwal᷊on doitta nipaatta wuassi mangitou.

1 TIMOTIUS 3:10

Ṛinone i mangitou iannamma asuene, wuṛṛu amungkangu i mangitou tawe sal᷊ane, wakkute udde i mangitou wotongngete massumbala sulal᷊ummu jamaatta.

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

WATTI'U MANGA RASUL 4:35

wuṛṛu tinantilli mangitou su manga rasul. Wua'udde roitta tinahia su manga taumata apan mappandumma.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

NEHEMIA 11:22

Mandariagga manga taumatan Lewi apan uatana'a su Yerusalem eteudde Uzi ana'i Bani wuṛṛu pulunni Hasabya. Iupungngu al᷊amonane eteudde Matanya wuṛṛu Mikha. I tou nasutta su wawosoanni Asaf apan mamanara nallu'adda musikka sutempo mattaṛṛamawu su Wal᷊en Mawu.

NEHEMIA 8:4

Ezra dirumarisikka su mimbare alu apan buatte niola'a hunan ammul᷊anna udde. Su samba'a aikkatanne uarisikka manga taumata indi; Matica, Sema, Anaya, Uria, Hilkia wuṛṛu Maaseya; wuṛṛu su samba'a aiṛṛine uarisikka; Pedaya, Misael, Malkia, Hasum, Hasbadana, Zakharia wuṛṛu Mesulam.

NEHEMIA 10:38

Arawe sangkatou imam papapulunni Harun ṛinone uaringanna manga taumatan Lewi udde napawe i mangitou malluṛṛu manga sasamba udde. Wuṛṛu sepere mapul᷊o wuassu anambon sasamba udde ṛinone iapiddu manga taumatan Lewi watukku wabbo'an bal᷊unna su Wal᷊en Mawu.

2 MARARATU 12:16

Roitta wuassu sasamba pinallanna'a ariegianna wuṛṛu sasamba aampunga rosa tawe itaṛṛo sulal᷊ummu kase udde. Roitta udde ionggola su manga imam.