Biblia Todo Logo
Bib sou entènèt

- Piblisite -




NEHEMIA 10:29 - WUKE SUSI WATTI'U AL᷊AL᷊USASSA

29 I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

Gade chapit la Kopi




NEHEMIA 10:29
38 Referans Kwoze  

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.


Apan ta'u pina'ire ringannu sasalu sarun ta'u tipusanna, tadea'u ipangagassa raṛṛawen-Nu apan matul᷊idda.


Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.


Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.


Arawe arie Tuangnga madaringikka darorongngi mangitou udde, ana waugu appatu pul᷊o pia lebene taumata apan tantal᷊anna uaimbuni mangampangnga si tou su lal᷊anna. I mangitou sarangkanambone suete nassalu tawe umanna wuṛṛu ma'inumma amungkangngu i mangitou taambe naapate si Paulus. Orassa indi i mangitou nasaddiate; ete uaraṛṛaddo sasimbakki Tuangnga.”


Arawe piaddu lai su wallatti mangitou mannamba'a si Paulus wuṛṛu mangngimanna Mawu Yesus, eteudde: i Dionisius wuassu mammamanaran Areopagus, wuṛṛu sangkatou wawine aranne i Damaris, wuṛṛu pirang katou lai.


Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.


Wal᷊inewe i Musa suete nangonggolu Titan Ruata si yamiu? Arawe su wallatti yamiu tawedu tinumuṛṛutta Tita udde. Anio i yamiu maapulu mamate si Ya'u?”


Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.


Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.


Mawu nandolo'u mabbal᷊o ereindi si mangitou, “I Ya'u, Mawu, buatte namarenta tadea'u i mangitou tumuṛṛutta si Ya'u wuṛṛu mappaamattu manga tita apan buatte Ta'u nionggolla si yamiu.


Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.


tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!


manga manu'u winalanganna wuṛṛu manga inassa, al᷊awo'u riadianna sulal᷊ummu tahal᷊oangnga.


Su piaṛṛa'u mangangantari. Tumuṛṛuttu aantarin Gitit. Daralon Daud.


Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.


I'o lai buatte na'ire su iamangku manungku amungkangu papapulunne atonna-tonna tuttuṛṛutta tita-Nu ere lai i tou, ne saran mal᷊annu-l᷊annu sangkatou wuassu papapulunne sarun mamarenta maola'a ratu su Israel. Orassa indi, oh Mawu Ruatan Israel, tipussa laiwe sarangkanambone apan buatte nipa'ire-Nu su iamangku Daud, allang-Ngu udde.


Tita apan nionggoli Musa i ite paatuṛṛuta, pussa'a apan maarega su walahanna indi.


Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.


I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.


sal᷊andeanna Mawu ma'ola'a arannu mabbal᷊i sasalun wontoga su wallattu walahannu. Antimanna i Tou ma'ola'a punnu palangngu maaṛṛiunnudda wuṛṛu tiannu maggandalla.


Pinangianannu al᷊awo'u arariaddianna udde, i yami tumana'u Israel na'ola'a paaire apan matohassa wuṛṛu uawoṛṛetta, ringannu nicappanna manga piaṛṛa'i yami, manga taumatan Lewi wuṛṛu sangkatou imammi yami.


Manga pira allo nal᷊iu i yamiu namal᷊u pallal᷊agunu wuṛṛu inolaannu maal᷊uassa naung-Ku. I yamiu sarangkanambone nabbaidda mamallossu manga allangnga walahanni yamiu, wuṛṛu nangiittu paaire ringang-Ku sulal᷊ummu Wal᷊e-U.


I yamiu Ta'u iṛae wuassu manga walahanna waine tadea'u mabbal᷊i pussa'a-U. I yamiu ṛinone susi ana waugu ete i Ya'u Mawu, wuṛṛu i Ya'u susi.


Suwallatti mangitou apan paarorone nebelengnga su leta'a pussa'a mangitou su manga soa, eteudde taumata wiasa, manga imam, taumatan Lewi wuṛṛu mammamanaran Wal᷊en Mawu.


Eteindi arannu ṛuanganna amonannu manga mamanara su Wal᷊en Mawu apan napul᷊e wuassu pamamuanganna: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah, wuṛṛu Hatifa.


Ana see Ezra nangapiddu buke udde su saruannu ammul᷊annu esakka, wawine wuṛṛu al᷊aṛṛana'a saṛṛentumuwo tadea'u maasunna.


Wua'udde, wuassu ruaallo naddatingngu allattune, Ezra mabbasan Tita udde si mangitou. I mangitou sarangkanambone maddaringikka ringannu maaddunna.


Swiv nou:

Piblisite


Piblisite