NEHEMIA 1:9 - WUKE SUSI WATTI'U AL᷊AL᷊USASSA

⁹ Arawe amungkangngu i yami mabbelengnga apia ringan-Nu wuṛṛu tumuṛṛutta manga parenta-Nu, ne i yami apan nassal᷊iawukke udde sarun iammullu Mawu apia, salaiwe i yami uatana'a su manga pentakku runia. See i yami sarun iweleng-Ngu watukku tampa apan buatte nipile-Nu maola'a tampa patataṛṛamawuanna Si'o.

NEHEMIA 1:9 Referans Kwoze

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

YEREMIA 12:15

Arawe napawe buatte napasabbangngi mangitou, i Ya'u sarun umakkanni mangitou apia; suapan balahanna sarun Ta'u iapidda mabbelengnga su wanuane sassane.

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

DARALO 147:2

Mawu sarun manul᷊en Yerusalem; taumata apa buatte niramme sarun iapiddu Mawu mapul᷊e.

EZRA 6:12

Antimanna Ruata apan buatte namile Yerusalem maola'a tampa i Tou sassubbanna, mamate suapan ratu ara'e walahanna apan waṛṛani lumawangnga parenta indi wuṛṛu wuṛṛu mannalu'atta makkimunsa'a Wal᷊en Mawu su Yerusalem udde. I ya'u, Darius, buatte nangonggollu parenta indi. Amata'e parenta udde ringannu mapia.”

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

YEHEZKIEL 36:24

Wuassu anambon balahanna wuṛṛu wanua, i ya'u sarun Ta'u iammulla wuṛṛu Ta'u iapapul᷊e watukku letangngu sassane.

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

DARALO 106:47

Sal᷊amatewe i yami, oh Mawu Ruatan kami, ammul᷊aawe i yami wuassu wallattu manga walahanna, tadea'u i yami wotongnge maadiangkamanna wuṛṛu maddalo aran-Nu apan susi.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

YEREMIA 3:14

Mawu nabbisara, “Ei umatta apan mal᷊awangnga, pabbelengke ringang-Ku! I yamiu uddewe pussa'a-U. I Ya'u sarun manganu si yamiu, sangkatou wuassu suapan soa, ruang katou wuassu suapan amonanna, wuṛṛu mangapiddi yamiu apia su Wuiddu Sion.

1 TAWARIKH 16:35

Pasingkata'e, “Oh Ruata mananal᷊amatti yami, liuaawe yami wuassu taṛṛino manga walahanna waine wuṛṛu ammul᷊a'awe apia yami tadea'u yami wotongnge ma'adiangkamanna wuṛṛu maddalo aran-Nu apan susi!”

TAHIUL᷊E 12:21

Amungkangngu tampa apan nipilen Mawu Ruatanu tumaniten marau wuassu tampa atatanaannu, i yamiu wotongnge mamate sapi sambau, domba ara'e ambingnga apan nionggolu Mawu si yamiu, wuṛṛu uminassa ṛemessa su tampanu ringannu walate apulun naungngu, ere lai buatte ta'u niwal᷊o si yamiu.

1 MARARATU 8:48

Amungkangngu su wanua indi i mangitou ringannu naungnga mal᷊uassa wuṛṛu atonna-tonna manantangngu manga rosa mangitou, wuṛṛu umal᷊iomanna Si'o lapiddu sumaruanna watukku soa nipile-Nu wuṛṛu wal᷊en patataṛṛamawuanna apan buatte ta'u niola'a apan hunane Si'o indi,

DARALO 107:3

I yamiu buatte nihemon-Ne wuassu manga wanua awagananna, wuassu ra'i wuṛṛu waṛṛatta, sawannakka wuṛṛu timukka.

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEHEZKIEL 14:6

Pasingkata'a lai su taumatan Israel manungku i Ya'u, Mawu Apan Atanggaṛṛanne nabbisara si mangitou, ‘Awal᷊ute wuassu manga rosanu, wuṛṛu tantanga'e manga paal᷊uannu apan ma'amuta udde.’

IMAMATTA 26:3

Amungkangngu i yamiu mabbiakka tuttuṛṛuta manga tita-U wuṛṛu manga parenta-U,

TAHIUL᷊E 30:1

“Orassa indi yamiu wotongnge mamile suwallatu al᷊amatta wuṛṛu wontoga ere buatte ta'u tinal᷊a'a si yamiu. Amungkangngu i yamiu buatte naapendamma al᷊awo'u asasusa udde wuṛṛu mabiakka suwallatu walahanna waine sutampa i yamiu nisal᷊iawukku Mawu Ruatanu, i yamiu sarun maanaungnga pamamile apan ta'u nionggolla si yamiu.

ZAKARIA 8:7

I Ya'u sarun manal᷊amatta uma-Ku wuassu manga wanua sutampa i mangitou niṛṛootta,