NAHUM 3:3 - WUKE SUSI WATTI'U AL᷊AL᷊USASSA

³ Tantara uasa'e awal᷊o mammangalo ringannu ikkatta mapia, hal᷊ele lukkenggamma wuṛṛu sambeangnga sussawallo. Taumata apan nate tawe iareengnga, winal᷊unanni mangitou sangkomboanna, na'oman sara taumata mangke mattara.

NAHUM 3:3 Referans Kwoze

HABAKUK 3:11

Semakku manga anaan-Nu tuttalla'a mal᷊ihakka, sambeang-Ngu lullendappa massawallo, ne matannallo wuṛṛu wul᷊anna nattaalle su tampane.

YEHEZKIEL 39:4

Su puiddu manga wowonen Israel, i Gog suadio'a ringannu anambon tantarane wuṛṛu walahanna hawene sarun mate, wuṛṛu manga winal᷊unanni mangitou sarun Ta'u ionggolla su al᷊awo'u manu'u winalanganna wuṛṛu winatangnga mal᷊aṛṛaga iapa'inassa si mangitou.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 34:3

Manga winal᷊unanni mangitou sarun tawe ilabbinga, arawe iwalate aroddi mawukku'a wuṛṛu mahal᷊uru. Manga wowone sarun masa'u ana waugu nielleṛṛannu daṛṛa mangitou.

NAHUM 2:4

Su lal᷊anna, manga kereta u'amatta ringannu mal᷊ihakka. Su leta'a mal᷊al᷊angnga, i mangitou uaa'enggenna. Aellehanna naal᷊ihidda sasol᷊oanna apan sussal᷊oi, mattalumma mal᷊ihakka naal᷊ihidda rallu'a.

2 MARARATU 19:35

Ṛabbi udde lai Mala'ekattu Mawu nirumanta su paddasanannu taumatan Asyur, wuṛṛu namate 185.000 su atoune tantara. Tiṛabbine marua allo maṛṛanggapa winal᷊unanni mangitou pasi tal᷊eṛongke.

PANDARIADDI 3:24

Wua'udde, su samba'an da'i wuassu wailla udde su saruannu ngara suttanna, Ruata nangaddon manga mala'ekattam, wuṛṛu sammata hal᷊ele pia putungnge apan tuttiri su al᷊awo'u tampa, ipandiaga lal᷊anna watukku punnu alu apan mangngonggolu wiakka udde. Ringannu aroddi tawe saran sangkatou apan hotongnge maasutta mangundanin punnu alu udde.

IMAMATTA 26:37

I yamiu sarun tumal᷊anga wuṛṛu matara sangkatou ringannu waine, salaiwe taweddu mangenggena. Wuṛṛu i yamiu tawe maal᷊awanga manga seennu.

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.