NAHUM 2:9 - WUKE SUSI WATTI'U AL᷊AL᷊USASSA

⁹ Pangaṛṛote al᷊awo'u wul᷊awanna wuṛṛu sal᷊a'ane! Darotongngu soa indi mangke ete nilumbalanna!

NAHUM 2:9 Referans Kwoze

DANIEL 11:8

Sutempo udde i tou nabbelengnga watukku Mesir, i tou sarun mangapiddu paal᷊uannu mongannu seenne wuṛṛu saranapa wul᷊awanna wuṛṛu sal᷊a'a apan buatte nionggolla su monganna udde. Manga pira tonna al᷊annune i tou tate mamangalo ratun banua sawannakka.

YEHEZKIEL 26:12

Manga seennu udde sarun mangaṛṛo al᷊awo'u pa'aala wuṛṛu wal᷊u'annu. I mangitou sarun makkimunsa'a manga darandungngu wuṛṛu mapaṛṛa'a manga wal᷊enu apan mapia. I mangitou sarun manganu manga watune, manga pappalla wuṛṛu letangnge, wua'udde niramme su tahal᷊oangnga.

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YESAYA 33:4

Naal᷊ihidda ammul᷊annu taṛṛangassa taumata mammangalo wuṛṛu makkampassa darotongngi mangitou.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

SONDAPPA 18:12

Tateddu mamalli wul᷊awanna, sal᷊a'a, permata, wuṛṛu mutiara mangitou; wuṛṛu lai mal᷊aṛṛenessa linen, ungu, sutera, wuṛṛu mal᷊aṛṛenessa maṛṛamu ua'itumma; alawo'u hating kalu apan mal᷊awa asombanganna, sarannapa wuassu gadinga wuṛṛu wuassu alu apan maarega, wuassu witu'a, atta'a, wuṛṛu pualam;

SONDAPPA 18:16

see mabbisara, “Uare, wal᷊ine hampa silakane soa apan tinumelengke indi! Inanaramanne i tou ual᷊uṛṛem peddeta linen, mal᷊aṛṛenessa ungu wuṛṛu mal᷊aṛṛenessa maṛṛamu ua'itumma; inanaramanne i tou napenen lal᷊oggaka wul᷊awanna, permata wuṛṛu mutiara!

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

NAHUM 3:17

Manga tembonanne wuṛṛu mamanaran araratuannu naal᷊ihidda ammul᷊annu saṛṛappalanna apan uasirungnga su manga tanda'a watu sutempo masunge. Arawe napawe matannallo sinumabbangke, i mangitou tinumalla'e nawul᷊i; tawe saran sangkatou apan masingkatta watukku apa i mangitou tinumalla'a.