MIKHA 6:4 - WUKE SUSI WATTI'U AL᷊AL᷊USASSA

⁴ I yamiu buatte Ta'u niapidda sinumabbangnga wuassu Mesir, wuṛṛu Ta'u nipallossa wuassu patataṛṛuallanga; i Ya'u buatte nandolokki Musa, Harun wuṛṛu i Miryam iapapiaṛṛa'a si yamiu.

MIKHA 6:4 Referans Kwoze

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

SASABANGNGA 12:51

Su allo udde Mawu nangapiddu anambon balagu Israel sinumabbangnga wuassu Mesir.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

REENGANNA 12:1

I Musa buatte nanganu sangkatou wawinen wuassu Kus nabbal᷊i awingnge, wuṛṛu olangnge udde niola'a panaal᷊anne si Miryam wuṛṛu si Harun mapasal᷊a Musa.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

DARALO 77:20

I'o u'amatta su lua'a, mammare tahal᷊oangnga, arawe wal᷊adda-Nu tawe asiloanna.

TAHIUL᷊E 24:18

Paanaunge manungku i yamiu buatte naola'a allangnga lai su Mesir wuṛṛu nipallossu Mawu Ruatanu; ana waugu udde i ya'u nangonggolu atoranna indi si yamiu.

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

TAHIUL᷊E 5:6

‘Ete i Ya'u Mawu Ruatanu apan nangapiddi yamiu sinumabbangnga wuassu Mesir, su tampa i yamiu mattaṛṛuallanga.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

SASABANGNGA 4:16

I tou ṛinone mabbisara ringannu arannu su saruannu tumanangnge. I tou sarun maola'a mabbawisaranu wuṛṛu i'o ellehanni tou ere Ruata apan mammasingkattu apa apan ṛinone iwisaran tou.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

SASABANGNGA 3:10

Orassa indi i'o Ta'u irolokka sumaruanna ratu Mesir tadea'u i'o wotongnge mamiaṛṛa'u balahannu sumabangnga wuassu wanua udde.”

SASABANGNGA 4:10

Arawe i Musa nabbisara, “Oh, Mawu, i ya'u wal᷊inewe taumata pande masinaukka, mawae ete dorone aroddi lai orassa indi, napawe Mawu buatte nabbisara si ya'u. Lila'u mawakkata, mabbisara mal᷊iwue wuṛṛu tawe masaṛṛawutta.”

REENGANNA 33:1

Napawe walahannu Israel nanantangken Mesir, sulal᷊ummu atokke tumuṛṛuttu ṛuangannu sambau-sambau su piaṛṛa'i Musa wuṛṛu i Harun, i mangitou niumotongnga si manga pira tampa.

1 SAMUEL 12:6

Ana see i Samuel nabbisara apia, “Ete Mawu apan namile si Musa wuṛṛu si Harun, wuṛṛu nangapiddu al᷊amonanu sinumabbangnga wuassu Mesir.

SASABANGNGA 6:27

Su tempo Mawu uahahatto Musa su Mesir,