MIKHA 5:6 - WUKE SUSI WATTI'U AL᷊AL᷊USASSA

⁶ Taumatan Israel apan lambene sarun maola'a ere wal᷊angngukka apan masuge wuassu Mawu hunan anambon balahanna, wuṛṛu ere uranna nangansalla su sinuananna. I mangitou sarun mangunsandakka su Ruata wuṛṛu wal᷊ine su taumata.

MIKHA 5:6 Referans Kwoze

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

LUKAS 1:71

ipanal᷊amatta si ite wuassu seetti ite wuṛṛu wuassu taṛṛino manga taumata apan maddantinni ite.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.

NAHUM 2:11

Suapate soa udde orassa indi? Soa apan naal᷊ihidda liangnga tampan singa massal᷊akka? Tampan manga ana'u singa a'onggol᷊annu anna, tampa pattuddannu singa esakka wuṛṛu singa wawine, tampa apan mal᷊angnganna su manga anangnge?

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 37:37

Ne sinumoṛṛotte i Sanherib, ratun Asyur, wuṛṛu napul᷊ete su Niniwe.

TAHIUL᷊E 32:2

Antimanna al᷊aṛṛa'u sumossokka naal᷊ihidda uranna, wuṛṛu manga wisara'u tuttannissa ere wal᷊angngukka, naal᷊ihidda uṛṛintingnga su wowon nannal᷊o, wuṛṛu uranna masassaga su wowon manga sasuanna.

1 TAWARIKH 1:10

I Kus pia sangkatou ana'a esakka aranne i Nimrod, apan naola'a ratu atohasanne paarorone su runia.)

AYUB 29:22

Napawe i ya'u buatte nabbisara, tateddu lai ipanamba; wisara niumusippa ere ua'en uranna tinumuro.

DARALO 72:6

Antimanna i tou ere uranna apan nangansalla su wadda'a, naal᷊ihidda uranna masassaga apan nangammo manga wawail᷊anna.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.