MIKHA 3:12 - WUKE SUSI WATTI'U AL᷊AL᷊USASSA

¹² Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

MIKHA 3:12 Referans Kwoze

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

DARALO 79:1

Daralon Asaf. Oh Ruata, walahanna apan tawe maillal᷊a uatana'e su leta'a pussa'a-Nu. I mangitou nandal᷊eote Wal᷊en-Nu, Yerusalem niola'a ete tuidda.

MATIUS 24:2

Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”

MIKHA 1:6

Ana waugu udde Mawu nabbisara, “I Ya'u sarun ma'ola'a Samaria ombon winal᷊alanna su wadda'a, wuṛṛu tampan taumata massuannu punnu anggore. Winal᷊alannu soa udde sarun Ta'u iramme watukku wawal᷊anne, wuṛṛu manga rapappakke sarun isongkakka.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 17:3

wuṛṛu su manga wowone su liuddu soa. Ana waugu anambon tampa pasasubbanna paal᷊uanna apan buatte nilanginni yamiu su ahewallu wanua wuṛṛu ana waugu al᷊awo'u rosa apan buatte niola'i yamiu, ne i Ya'u sarun ma'ola'a manga seennu mandootta al᷊awo'u darotongnga wuṛṛu pa'aalanu.

YEREMIA 22:6

Si Ya'u, wal᷊en araratuannu Yehuda tumanite maṛṛansanga, ere aṛṛansangu leta'u Gilead wuṛṛu manga wowon Libanon; arawe tampa udde sarun Ta'u olaanna ere wadda'u anne apan tawe atanaannu taumata.

YEREMIA 35:17

Ana waugu udde, i Ya'u, Mawu Apan Lembontaṛṛino, Ruatan Israel, sarun mandanta si yamiu – manga taumatan Yehuda wuṛṛu Yerusalem – al᷊awo'u asasilaka apan buatte Ta'u tinantunna maṛṛia'a si yamiu, ere buatte Ta'u niwisara. Olangnge udde Ta'u olaanna ana waugu i yamiu maddari maddaringikka napawe i Ya'u mabbisara si yamiu, wuṛṛu i yamiu maddiri sumimbakka sutempo i Ya'u mamaggo si yamiu.”

YEREMIA 44:2

Eteindi tanata Mawu Apan Lembontaṛṛino, Ruatan Israel, si mangitou, “I yamiu sassane buatte naasilo asasilaka apan Ta'u niṛṛia'a su Yerusalem wuṛṛu su anambon soa waine su Yehuda. Na'oman sara orassa indi lai manga soa udde ta'e naṛṛimunsa'a tawe tumatanangnge.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YESAYA 32:14

Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 22:5

Arawe amungkangngu i yamiu tawe tumuṛṛutta manga parenta-U, ne i Ya'u massalu manungku wal᷊en araratuanna indi sarun mallambe ete tuidda. I Ya'u, Mawu, buatte nabbisara.