MIKHA 2:4 - WUKE SUSI WATTI'U AL᷊AL᷊USASSA

⁴ Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

MIKHA 2:4 Referans Kwoze

HABAKUK 2:6

Arawe sarangkanambone apan niawaddone udde sarun mamasendekka wuṛṛu mallobbossa si tou. I mangitou sarun mabbisara, “Niawontohante i'o ana waugu mangngombon darotongnga apan wal᷊ine tatahuanannu! Pira tempo lai i'o mapaalan batangannu ringannu mammata'u manga taumata pia awallassa si'o tadea'u mamaekka awallassi mangitou?”

MIKHA 1:15

Ei taumatan Maresya, Mawu sarun manantilli yamiu su seetta apan sarun mamaddo soanu. Manga piaṛṛa'u Israel apan uaparenta sarun ma'imbuni su manga loṛṛangnga su Adulam.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YESAYA 24:3

Runia sarun mattal᷊eṛṛonga wuṛṛu ṛimunsaanna. Mawu buatte nabbisara, wuṛṛu olangnge udde sarun matipussa.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

TAHIUL᷊E 28:29

Su allo allatune i yamiu uasasaṛṛipo naal᷊ihidda taumata wuta arawe tawe maasangkalla lal᷊anna. Al᷊awo'u inasaharannu tawe maola'a. I yamiu sidutu iassasa'a wuṛṛu paṛṛampassanna, wuṛṛu taweddu mangontolla si yamiu.

REENGANNA 23:7

Ana see i Bileam nabbisaran papatta indi, “Wuassu Aram, panenteanna su samba'an da'i poiaroddi, i Balak, ratun Moab namaggo si ya'u, wisarane, ‘Rantate, pabbisarate ana waugu i ya'u. Wontohete walahannu Israel udde!’

MARKUS 12:12

Ne manga pira piaṛṛa'u walahannu Yahudi apan naaringikka sasumandingnga udde, mangke maddea'a manametta Mawu Yesus, ana waugu i mangitou masingkatte sasumandingnga udde ipammasendekku Mawu Yesus si mangitou. Arawe i mangitou matta'uttu taumata nambo. Nariaddi, i mangitou inaite nanantangngu Mawu Yesus.

ZEFANYA 1:2

Mawu nabbisara, “I Ya'u sarun manggohakku al᷊awo'u saranapa su runia:

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

AMOS 5:17

Su anambon waillu anggore, taumata sarun lumuai ana waugu i Ya'u nirumanta wuṛṛu makkuumanni yamiu. I Ya'u, Mawu, buatte nabbisara.”

AMOS 5:1

Paddaringikke ei umattu Israel! I Ya'u mangantararite si yamiu sambau aantarin lullal᷊o:

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YOEL 1:8

Lalluaitte, ei umatta, naal᷊ihidda maṛṛuala apan massusa apan lulluain papaten tunangane apan arangnguanne.

YEHEZKIEL 16:44

Mawu nabbisara, “Ei Yerusalem, manga taumata sarun mappaattu sasanato'a indi si'o, ‘Ere inangnge, aroddi lai sinangiane.’

YEHEZKIEL 2:10

apan wawoṛṛetanna su ruam ba'ane. See niwu'ate wuke lalul᷊unanna udde wuṛṛu isudde uawoṛṛetta lal᷊uai, sasal᷊iomanna wuṛṛu sasal᷊ande.

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YESAYA 14:4

Napawe Mawu ma'ola'a udde, i mangitou sarun mangal᷊uandaga ratun Babel arendi, “Ratu maṛṛagissa nanawote! I tou tate mapangallangnga apia.

AYUB 27:1

I Ayub nanassu tatal᷊aane, wisarane, “Ringannu arannu Ruata apan wiakka, apan tawe nangonggollu atatul᷊idda si ya'u,

2 TAWARIKH 35:25

Nabi Yeremia namoṛṛettu sambau aantari lal᷊al᷊o si Ratu Yosia. Naddatingngu orassa indi aantari udde ta'e ipappaattu mangangantari su Israel, mawae ete esakka aroddi lai wawine, su ipannaungnga i mangitou lullal᷊on Yosia. Aantari udde buatte niwoṛṛetta sulal᷊ummu ammul᷊annu aantarin lal᷊al᷊o.

2 SAMUEL 1:17

Wua'udde i Daud nangantari lal᷊allu indi si Saul wuṛṛu si Yonatan,

REENGANNA 24:15

Ana see i Bileam nabbisaran papatta indi, “Indiwe tanatan i Bileam, ana'i Beor; wisaran sangkatou manani'atta

REENGANNA 24:3

wuṛṛu i tou nabbisaran papatta indi, “Eteindi tanatan i Bileam, ana'i Beor, wisaran sangkatou masingkatta mani'atta

REENGANNA 23:18

ana see i Bileam nabbisaran papatta indi, “Ei, Balak, ana'i Zipor, wette rantate, paddaringikke wisara'u.

YEREMIA 6:12

Wal᷊e mangitou sarun ionggolla su taumata waine, aroddi lai manga wailla wuṛṛu inangngu ana'i mangitou. Tumana'u wanua indi sarun iṛṛuumanna.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”