MIKHA 1:6 - WUKE SUSI WATTI'U AL᷊AL᷊USASSA

⁶ Ana waugu udde Mawu nabbisara, “I Ya'u sarun ma'ola'a Samaria ombon winal᷊alanna su wadda'a, wuṛṛu tampan taumata massuannu punnu anggore. Winal᷊alannu soa udde sarun Ta'u iramme watukku wawal᷊anne, wuṛṛu manga rapappakke sarun isongkakka.

MIKHA 1:6 Referans Kwoze

YEHEZKIEL 13:14

I Ya'u pia pandumma mapaṛṛa'an darandungnga apan niwuṛṛanni yamiu udde, ringannu ihohakka ma'oman sara mallambe ete mal᷊itangnge sassane. Darandungnga udde sarun maṛṛa'a wuṛṛu mamate i yamiu sarangkanambone. Ne i yamiu masingkatte manungku ete i Ya'u Mawu.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

LAL᷊ALLU 4:1

Wul᷊awanna apan lullendappa naola'e mawol᷊a manga watun Wal᷊en Duata uasal᷊iawukka su lal᷊anna.

2 MARARATU 19:25

Apa i'o taambe naaringikka manungku sarangkanambone udde buatte Ta'u nihol᷊aga ro'en paarorone? Wuṛṛu orassa indi Ya'u buatte na'ola'a. Ete i Ya'u apan nagonggolu taṛṛino si'o ipakkimunsa'a manga soa pia tatandange watu ete nallambe manga tuidde.

MATIUS 24:2

Mawu Yesus nabbisara si mangitou, “Apa i yamiu maasilo sarangkanambone udde? Asingkate, tawedu saran sambau watu wuassu manga wal᷊e udde sarun matana'a uaatokka su tampane. Sarangkanambone sarun iapaahohakka.”

HABAKUK 3:13

I'o inaite niumamatta tadea'u mamallossu uman-Nu wuṛṛu tadea'u manal᷊amatta ratu apan nipile-Nu. I'o namuulla na'oman sara nanawo piaṛṛa'u taumata lal᷊eo I'o nanginsue anambon mallal᷊aṛṛenggene.

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YESAYA 25:12

Manga tanda batu su Moab ringannu manga darandungnge apan matanggakka sarun iṛṛa'a-Ne wuṛṛu iramme-Ne su leta'a ma'oman sara mapussa'a ere awu.

YESAYA 25:2

Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

2 SAMUEL 17:13

Amungkangu i tou tumal᷊angnga su sambau soa, tumana'u soan kite sarangkanambone sarun manganu tal᷊i wuṛṛu mamol᷊engnga soa udde ana see iema'a su wawal᷊anne apan aranianne. Tawe saran sambau watu apan matantangnga su wowon buidda udde.”

YESAYA 17:1

Mawu nabbisara, “Damsyik tate lai maola'a soa, arawe tumba'u aombuannu manga tuiddu wal᷊en nangkaṛṛa'a.

YEREMIA 31:5

I yamiu sarun mabbaillu anggore su panenteannu Samaria, wuṛṛu iapa massuanna sarun mani'o wuane lai.

2 MARARATU 18:9

Su tonna aiappanne sutempo i Hizkia uaparenta, eteudde tonna appitune i ratu Hosea uaparenta su Israel, i Salmaneser ratun Asyur namangalo Israel wuṛṛu nalliwunna Samaria.

2 MARARATU 18:10

Napawe papal᷊iwutanna lima tonna al᷊annune, Samaria nanawote. Udde nariaddi su tonna aiannume sutempo i Hizkia uaparenta, wuṛṛu tonna assione i Hosea uaparenta.

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”