MIKHA 1:16 - WUKE SUSI WATTI'U AL᷊AL᷊USASSA

¹⁶ Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

MIKHA 1:16 Referans Kwoze

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

TAHIUL᷊E 28:41

I yamiu sarun maasomba ana'a esakka wuṛṛu wawine, arawe i mangitou iasametta su pangalo, ma'oman sara i yamiu awul᷊ianni mangitou.

YEREMIA 47:5

Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?

AMOS 7:11

I tou mabbisara manungku Tuangnga sarun mate sulal᷊ummu pangalo, wuṛṛu taumatan Israel sarun ṛumoanna watukku pamamuanganna, marau wuassu wanuane sassane.”

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

LAL᷊ALLU 2:19

Pasokkate matimpo'u su al᷊o'engngu ṛabbi tadea'u mangintul᷊i mapasabbangngu lal᷊oṛṛon naungngu su Mawu. Paddorongke tadea'u i Tou umakkanna su manga anangngu apan niamal᷊unusanna wuṛṛu napinsanna suapan pabbeṛoannu lal᷊anna.