MATIUS 9:36 - WUKE SUSI WATTI'U AL᷊AL᷊USASSA

³⁶ Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

MATIUS 9:36 Referans Kwoze

REENGANNA 27:17

sangkatou apan botongnge maola'a atumannaṛṛane su tempo i mangitou mapapangalo. Arie pabbala'a al᷊aṛṛanang-Ngu indi naal᷊ihidda ammul᷊annu domba apan tawe mallal᷊u'adde.”

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

MATIUS 14:14

Su tempo Mawu Yesus nilumintukka wuassu saalanna wuṛṛu naasilote taumata manambo udde, i Tou inumakkanni mangitou. See i Tou napaapian manga taumata maradda'a su wallatti mangitou.

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

MATIUS 15:32

Wua'udde Mawu Yesus namaggo manga mallal᷊aṛṛenggen-Ne see nabbisara, “I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou inasueanten anna. I Ya'u tawe mapaapul᷊e mangitou mal᷊unussa, aṛṛombanganne i mangitou mawantingnga su lal᷊anna.”

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

2 TAWARIKH 18:16

Mikha nabbisara, “I ya'u naasilo tantaran Israel nassal᷊iawukka su manga wowone. I mangitou naal᷊ihidda tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'ewe i mangitou mapul᷊e ringannu sal᷊amatta.’ ”

IBRANI 5:2

Imam Bahewa udde sassane lome su al᷊awo'u inolaanna wuṛṛu ana waugu udde i tou wotongnge mattingkaola'a masaṛṛionto'a su saruannu taumata apan waggan apa-apa wuṛṛu apan niumal᷊iwun dal᷊anne.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

MATIUS 10:6

Arawe roote su wallattu taumatan Israel, nangillembo si mangitou apan nial᷊iwune.

1 MARARATU 22:17

I Mikha nabbal᷊issa, “I ya'u naasilo tantaran Israel nassal᷊iawukka su manga wowone. I mangitou naal᷊ihidda domba tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'e i mangitou mapul᷊e ringannu sal᷊amatta.’ ”

ZAKARIA 11:16

Ana waugu i Ya'u sarun mapamanaran sangkatou mallal᷊u'adda iapariaga ammul᷊annu domba-U, arawe i tou tawe maddea'a domba nawul᷊i; i tou tawe maddea'a domba apan nilamammiṛṛane, tawe lai mangundamma domba apan nal᷊essa, wuṛṛu tawe mapa'annu domba apan ta'e wiakka. Ewe'e i tou lai sassane u'inassa ṛemessu domba apan atawanne wuṛṛu nanawutta manga anu'un binatangnga udde.

YESAYA 13:14

Taumata raho apan uatana'a su Babel sarun massal᷊iawukka wuṛṛu tumal᷊angnga su wanuane sambau-sambau. I mangitou naal᷊ihidda rusa apan tinumal᷊angngu matataṛṛiasu, ara'e ammul᷊annu domba apan tawe mallal᷊u'adde.

MARKUS 8:2

“I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou tawe anna.