MATIUS 9:18 - WUKE SUSI WATTI'U AL᷊AL᷊USASSA

¹⁸ Tantal᷊anna Mawu Yesus uahahatto ringannu manga mallal᷊aṛṛenggenni Yohanes Mananaṛṛani, nirumantate sangkatou piaṛṛa'u wal᷊em pattataṛṛamawuanna. I tou inumal᷊intuda su saruannu Mawu Yesus wuṛṛu nabbisara, “Ana'u wawine wakkute nate. Arawe amungkangngu wotongnge, ranta'o wuṛṛu pamita si tou tadea'u i tou mabiakka apia.”

MATIUS 9:18 Referans Kwoze

MATIUS 8:2

Su tempo udde nirumantate sangkatou apan pia raddangnge paro ma'ata'utta. I tou inumal᷊intuda su saruannu Mawu Yesus, see nabbisara, “Iamangnga, amungkangngu Iamangnga maapulu, Iamangnga wotongnge mapaapia'u.”

LUKAS 13:14

Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”

YOHANES 11:32

Napawe i Maria na'omate su tampa Mawu Yesus wuṛṛu naasilo si Tou, i Maria inumal᷊intuda su saruannu Mawu Yesus wuṛṛu nabbisara, “Mawu, amungkangngu Mawu isindi su orassa udde, asinungka tuṛṛangku tawe nate.”

MATIUS 9:24

i Tou nabbisara si mangitou, “Sabangke i yamiu sarangkanambone! Ana'a indi tawe nate; i tou tumba'u mattiilla.” I mangitou sarangkanambone nilumage Mawu Yesus.

2 MARARATU 5:11

Naaringikka udde i Naaman nasa'u wuṛṛu nabbisara, “Su ṛingi'uwe i tou sumabbanga sassane maisasomba'u, wuṛṛu umal᷊iomanna su Mawu, Ruatane, lapiddu mangagassa wageangngu wadangku apan maradda'a indi ana see i ya'u mapiate.

WATTI'U MANGA RASUL 13:15

Napawe Wuke Musa wuṛṛu Wuke Manga Nabi niwasate, manga piaṛṛa'u wal᷊em pattataṛṛamawuanna udde nandolokku taumata iapaiwal᷊o si Paulus wuṛṛu manga hawene, “Manga tuṛṛangnga, amungkangngu tuṛṛangnga pia sambau al᷊aṛṛa'a su manga taumata indi, wal᷊oa'e al᷊aṛṛa'a udde.”

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

LUKAS 18:18

Sangkatou piaṛṛa'u Yahudi naiwal᷊o Mawu Yesus, “Iamangnga Huru apan mapia, apa sarun olaangku tadea'u ya'u maasomba wiakka tutune wuṛṛu mal᷊annu-l᷊annu?”

LUKAS 7:2

Isudde pia tembonannu tantaran Roma pia allangnge apan arangnguanne. Allangnga udde marada'a wuṛṛu maranite mate.

MATIUS 28:17

Su tempo i mangitou naasilo Mawu Yesus poiaroddi, i mangitou inumal᷊intuda nassubba si Tou. Arawe su wallatti mangitou ta'e piaddu lai hugago'a.

MATIUS 17:14

Su tempo Mawu Yesus wuṛṛu sire tallu mallal᷊aṛṛenggen-Ne nabelengke ringannu taumata nambo udde, sangkatou esakka nirumanta, nassubba su saruannu Mawu Yesus,

MATIUS 15:25

Wawine udde nirumanta see inumal᷊intuda su saruannu Mawu Yesus wuṛṛu nabbisara, “Tul᷊unga'a i ya'u Mawu.”

MATIUS 14:33

Ne manga mallal᷊aṛṛenggennu Mawu Yesus nassubbate si Tou. I mangitou nabbisara, “Atonna Mawu uddewe Ana'u Ruata!”

MATIUS 20:20

Wua'udde awingngi Zebedeus wuṛṛu manga al᷊aṛṛanangnge nirumanta ringannu Mawu Yesus. Su saruannu Mawu Yesus i tou inumal᷊intuda ana piaddu doronganna.

MATIUS 8:25

Ne manga mallal᷊aṛṛenggen-Ne inaite ringanni Tou wuṛṛu namu'o si Tou. “Iamangnga! Ontol᷊e! I ite masilakate!” unni mangitou.

MATIUS 9:17

Aroddi lai tawe taumata apan mandal᷊innu anggore wakku sulal᷊ummu pato'am pisi tabbe. Ana waugu pato'a udde sarun mapesangnga wuṛṛu mahohakka, see anggorene mabboso. Anggore bakku sarun ilal᷊inna su pato'a apan bakku lai, tadea'u itarua sidutu mapia.”

MATIUS 9:19

Mawu Yesus dirumarisikke wuṛṛu inaite su sampunna ringannu mallal᷊aṛṛenggen-Ne mattuddan taumata udde.

WATTI'U MANGA RASUL 28:8

Tempo udde iamangnge marada'a, masunge wuṛṛu ma'uru. Paulus inaite na'ellega timmade marada'a udde, see inumal᷊iomanna wuṛṛu namita si tou na'oman sara i tou napia.