MATIUS 8:9 - WUKE SUSI WATTI'U AL᷊AL᷊USASSA

⁹ Ana waugu i ya'u lai ṛinone massuṛṛubawa su tembonangku. Wuṛṛu mabbawoanna wuassia'u pia lai manga tantara apan sarun massuṛṛubawa su parenta'u. Amungkangngu i ya'u mandolokku sangkatou tantara, ‘Inaite!’ i tou sarun inai. I ya'u mabbisara su tantara waine lai, ‘Wette isindi!’ i tou sarun dumanta; wuṛṛu amungkangngu i ya'u mamarenta allangku, ‘Ola'e indi!’ i tou sarun tumuṛṛutta.”

MATIUS 8:9 Referans Kwoze

TITUS 2:9

Manga allangnga ṛinone masallunga mawune, wuṛṛu maal᷊uassa naungnge sulal᷊ummu al᷊awo'u inolaanna. I mangitou tawe wotongnge manompolla,

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

LUKAS 7:8

Ana waugu i ya'u lai tuttuṛṛutta parentan tembonangku wuṛṛu wuassia'u lai pia tantara pangkanne mabbawoanna apan tuttuṛṛutta parenta'u. Amungkangngu ya'u mandolokku sangkatou, ‘Inaite!’ i tou sarun inai; wuṛṛu amungkangngu ya'u mamago lai waine, ‘Wette isindi!’ i tou lai sarun rumanta. Wuṛṛu amungkangngu i ya'u mamarenta allangku, ‘Ola'a indi!’ i tou sarun tumuṛṛutta ma'ola'a udde.”

LUKAS 4:39

Mawu Yesus inaite nattudan lallowanganne, see nallimbuakka sal᷊ihamma udde. Sal᷊ihamma udde nawul᷊i, wuṛṛu la'iananni Simon lapiddu nabangunna wuṛṛu nangimbe si mangitou.

DARALO 148:8

ei sawallo wuṛṛu uranna eisse, salju wuṛṛu winabbawa, anginna ma'ikkatta apan tuttuṛṛutta parentan Mawu!

DARALO 119:91

Sarangkamabone apan pia orassa indi, pia ana waugu parenta-Nu, ana waugu i mangitou sarangkamabone uddewe manga allang-Ngu.

MATIUS 8:8

“Lasa'e Iamangnga,” sasimbakku tembonanne udde, “I ya'u tawe su ṛinone mapaarantan Iamangnga su wal᷊e'u. Iamangnga pamarentate. Ana see mangangimbe'u mapiate.

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!

MARKUS 1:27

Anambon taumata mangke naherangnga, na'oman sara i mangitou nabbisara sangkatou ringannu sangkatou, “Wah apa indi? Sambau al᷊aṛṛa'a apan wakku! Ringannu saṛṛaungnga wuṛṛu taṛṛino i Tou namarenta manga ghaṛṛaho lal᷊eo udde sinumabangnga, wuṛṛu i mangitou tinumuṛṛutta si Tou!”

LUKAS 9:1

Mawu Yesus namago sire mapul᷊o dua mallal᷊aṛṛenggen-Ne, see nangagillu taṛṛino si mangitou ipallimbuakka ghaṛṛaho lal᷊eo wuṛṛu mapaapian rada'a.