MATIUS 8:2 - WUKE SUSI WATTI'U AL᷊AL᷊USASSA

² Su tempo udde nirumantate sangkatou apan pia raddangnge paro ma'ata'utta. I tou inumal᷊intuda su saruannu Mawu Yesus, see nabbisara, “Iamangnga, amungkangngu Iamangnga maapulu, Iamangnga wotongnge mapaapia'u.”

MATIUS 8:2 Referans Kwoze

MATIUS 18:26

Allangnga udde inumal᷊ituda su saruannu ratu, wuṛṛu sinumal᷊ande, ‘Mawu, ampunge allangngu. Allangngu sarun mamaekka anambon utangnga udde.’

MATIUS 15:25

Wawine udde nirumanta see inumal᷊intuda su saruannu Mawu Yesus wuṛṛu nabbisara, “Tul᷊unga'a i ya'u Mawu.”

1 KORINTUS 14:25

Manga inolaanna apan uawuni sulal᷊ummu naungnge sarun iapaal᷊iatta'a, na'oman sara i tou sumallungu watanganne see massubba Ruata. I tou sarun manga'u, manungku Ruata atonna tonna su pattangnganni yamiu.

WATTI'U MANGA RASUL 10:25

Napawe i Petrus na'omate, i Kornelius inai nanal᷊oho si tou wuṛṛu inumal᷊intuda su saruanne.

YOHANES 9:38

“I ya'u mangngimanna, Mawu,” sasimbakku taumata udde, see inumal᷊intudda su saruannu Mawu Yesus.

MATIUS 28:17

Su tempo i mangitou naasilo Mawu Yesus poiaroddi, i mangitou inumal᷊intuda nassubba si Tou. Arawe su wallatti mangitou ta'e piaddu lai hugago'a.

LUKAS 4:27

Aroddi lai su tempo i Nabi Elisa manambo taumata su Israel pia radangnge paro ma'ata'utta, arawe tawe sangkatou wuassi mangitou niapaapia, tumba'u i Naaman taumatan Siria udde.”

MATIUS 26:6

Su tempo Mawu Yesus su Betania, su wal᷊en Simon apan dorone uatataṛṛangnga radda'a paro,

MATIUS 20:20

Wua'udde awingngi Zebedeus wuṛṛu manga al᷊aṛṛanangnge nirumanta ringannu Mawu Yesus. Su saruannu Mawu Yesus i tou inumal᷊intuda ana piaddu doronganna.

MATIUS 14:33

Ne manga mallal᷊aṛṛenggennu Mawu Yesus nassubbate si Tou. I mangitou nabbisara, “Atonna Mawu uddewe Ana'u Ruata!”

MATIUS 13:58

Ne ana waugu udde Mawu Yesus tawe na'ola'a al᷊aṛṛindu'a manambo isudde ana waugu i mangitou tawe mangngimanna.

MATIUS 9:18

Tantal᷊anna Mawu Yesus uahahatto ringannu manga mallal᷊aṛṛenggenni Yohanes Mananaṛṛani, nirumantate sangkatou piaṛṛa'u wal᷊em pattataṛṛamawuanna. I tou inumal᷊intuda su saruannu Mawu Yesus wuṛṛu nabbisara, “Ana'u wawine wakkute nate. Arawe amungkangngu wotongnge, ranta'o wuṛṛu pamita si tou tadea'u i tou mabiakka apia.”

2 MARARATU 15:5

Mawu nangonggola si tou radda'a su pisi apan ma'ata'utta, na'oman sara i tou natete, raddange udde tawe mapia. I tou niṛṛae su sambau wal᷊en wuṛṛu niwala aroddi wuassu manarane. I Yotam anangnge namarenta tumanange naola'a sangkatou tepellu ratu.

2 MARARATU 5:27

Ana waugu i'o nanengkamma aonggola udde, i'o sarun manengkamma lai radda'i Naaman. Ewe'e lai saran mal᷊annu-l᷊annu, papapulunnu lai sarun maasomba radda'a udde!” Napawe i Gehazi sinumabbanga wua isudde, i tou naasombate radda'a su pisi – pisine nabbal᷊i mawira-wira.

REENGANNA 12:10

Su tempo winabbawa udde nanantangken Dasannu Mawu, niasiloanna i Miryam niarunannu radda'a su pisi apan ma'ata'utta; pisine nabbal᷊i mawira naal᷊ihidda wumbukka. Napawe i Harun nanaile si Miryam wuṛṛu naasilo manungku i tou niarunanten radda'a udde,

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

MATIUS 28:9

Inaṛṛombanganne Mawu Yesus nirumanta naisasomba manga wawine udde, wuṛṛu nabbisara, “Tabea!” See i mangitou nirumanta nangundanin Tou, wua'udde naṛṛa'uppa ledda-Ne wuṛṛu nassubba si Tou.

MATIUS 10:8

Paapia'e manga taumata apan maradda'a; pawanguna'e manga taumata apan nate; paapia'e manga taumata pia raddangnge paro apan ma'arantinna, wuṛṛu limbuaṛṛete manga ghaṛṛaho lal᷊eo. I yamiu suete nanengkamma sarangkanambone udde ringannu tawe bawaekke. Nariaddi pangonggolla lai ringannu tawe maddorongnga bawaekke.

MATIUS 4:9

See Setanna nabbisara Mawu Yesus, “Sarangkanambone indi sarun ionggolla Si'o, amungkangngu I'o umal᷊intudda massubba si ya'u.”

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

2 MARARATU 5:1

I Naaman eteudde sangkatou tembonannu tantaran ara'e pangliman Siria apan lembon arangnguanna wuṛṛu a'adatannu ratun Siria. Ana waugu ete wuassi Naaman, Mawu buatte nangonggolu auntunganna su tantaran Siria. I Naaman sangkatou tembonannu tantara ara'e panglima apan matohassa, arawe i tou pia radda'a su pisi apan ma'ata'utta.

2 SAMUEL 3:39

Salaiwe i ya'u indi ratu apan nipilen Duata, arawe orassa indi ya'u naapendamma nallome. Manga ana'i Zeruya udde tumaniten maṛṛagissa. I ya'u tawe maatokki mangitou. Doronganna Mawu makkuumannu taumata lal᷊eo udde, uasul᷊ungngu inolaanni mangitou!”

MATIUS 8:1

Mawu Yesus sinumossokke wuassu wuidda, wuṛṛu manambo taumata uatantalongnga si Tou.

MATIUS 8:25

Ne manga mallal᷊aṛṛenggen-Ne inaite ringanni Tou wuṛṛu namu'o si Tou. “Iamangnga! Ontol᷊e! I ite masilakate!” unni mangitou.

WATTI'U MANGA RASUL 10:14

I Petrus sinumimbakka, “Tawe, Mawu! Taambe saran paassa i ya'u inumanna apa ipappalli ara'e ia'arantinna.”