MATIUS 7:12 - WUKE SUSI WATTI'U AL᷊AL᷊USASSA

¹² Ola'awe taumata waine ere i yamiu lai maapulu olaanni mangitou. Eteudde lal᷊oṛṛon al᷊aṛṛa'i Musa wuṛṛu manga nabi.”

MATIUS 7:12 Referans Kwoze

LUKAS 6:31

Ola'a su taumata waine ere lai yamiu ma'apulu olaanni mangitou mapia.

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEHEZKIEL 18:21

Amungkangngu sangkatou apan dal᷊eo tate ma'ola'a rosa apia, wuṛṛu mannatakke tuttuṛṛutta manga tita-U, see ma'ola'a inolaanna apan mapia wuṛṛu naṛṛino, i tou sarun tawe mate.

MATIUS 5:17

“Ariewe massunna manungku i Ya'u nirumanta mamappassa tita Musa wuṛṛu al᷊aṛṛa'u manga nabi. I ya'u nirumanta wal᷊ine mamappassa tita udde, arawe sarun mangaṛṛa'u atappasanne apan su ṛinone.

YAKOBUS 2:8

I yamiu ma'ola'a su ṛinone, amungkangu i yamiu tumuṛṛutta titan Araratuanna sulal᷊ummu wageangu Wuke Susi indi, “Pandangngu sansul᷊ungu ere i yamiu mandangngu watangannu sassane.”