MATIUS 6:25 - WUKE SUSI WATTI'U AL᷊AL᷊USASSA

²⁵ Ana waugu udde naunge; arie passinggawangnga su ola'u wiakki yamiu, eteudde apa apan sarun annananna wuṛṛu inumanni yamiu, ara'e apa sarun iluṛṛeng kamiu. Wal᷊inewe wiakka nangillembo wuassu anna, wuṛṛu wadangnga nangillembo wuassu peddetta?

MATIUS 6:25 Referans Kwoze

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

DARALO 55:22

Manga wisarane al᷊ussa massal᷊o'a, arawe sulal᷊ummu naungnge pia ararantinna. Wisarane masaṛṛionto'a, arawe mangngusu'a naal᷊ihidda hal᷊ele maṛṛoro.

MATIUS 6:31

Arie passinggawangnga wuṛṛu mabbisara ‘Apa apan sarun annananni ite’, ara'e ‘apa apan sarun inumanni ite’, ara'e ‘apa apan sarun iluṛṛeng kite’?

MARKUS 4:19

arawe sussinggawangngu pabbiaṛṛanni mangitou wuṛṛu maapulu mabbiakka lembo nasuungnga. Apulum padarunia sinumuttate sulal᷊ummu naungngi mangitou. Wua'udde watti'u Ruata nawul᷊i wuassu lal᷊ummu naungngi mangitou, na'oman sara tawe nabbua.

MATIUS 10:19

Arawe amungkangngu i yamiu iapidda parikisanna, arie suminggawangnga su ola'u apa apan isimbakki yamiu, ara'e ereapa i yamiu sarun mabbatti'a. Ana waugu apa apan sarun iwisarang kamiu udde, sarun iwal᷊o si yamiu su temponete.

1 KORINTUS 7:32

I ya'u maapulu tadea'u tuṛṛangnga mal᷊iu wuassu asasusa. Taumata apan tawe awingnge sarun manidutun ṛingiṛṛanne su inolaannu Mawu, ana waugu i tou maapulu malluassa Mawu.

MATIUS 6:34

Ana waugu udde arie suminggawangnga su ola'u allo tiṛṛabbi. Ana waugu tiṛṛabbi lai pia asasinggawangnge sassane. Allo indi natipusse asasusane, walasa'e tambanna apia.”

2 TIMOTIUS 2:4

Sangkatou tantara apan tantal᷊anna mammanara, maddiri mammanara hausanne sassane, ana waugu i tou maapulu malluassa naungngu tembonanne.

LUKAS 8:14

Wualanna apan nanawo su tangngan ahuranganna ṛoaanna isassumandingnga su taumata madaringikka watti'a udde, arawe sussinggawangngu wiakki mangitou wuṛṛu maapulu mabbiakka nasuungnga wuṛṛu mal᷊uassa sulal᷊ummu runia indi. Sarangkanambone udde nangumpisanna si mangitou na'oman sara tawe nabua wua apan nal᷊aha.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

LUKAS 12:11

Amungkangngu i yamiu iapidda su manga wal᷊em pattataṛṛamawuanna parikisanna su saruannu pamarenta ara'e tembonanne, arie pa'asinggawangnga su ola'u ereapa i yamiu manahekku wadangngu ara'e su ola'u apa apan sarun iwisaranu.

MARKUS 13:11

Wuṛṛu napawe yamiu sametanna wuṛṛu parikisanna su saruannu mallaṛṛuungnga, arie passinggawangnga su ola'u apa apan sarun iwisaran kamiu. Amungkangngu nia'omante tempone mabbisara, wal᷊oa'a apa apan suete niapaasingkatta si yamiu su tempone. Ana waugu manga wisara apan iwabbisarang kamiu udde wal᷊ine wisaranu sassane, ewe'e nirumanta wuassu Ghaṛṛaho Ruata.

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”