MATIUS 6:22 - WUKE SUSI WATTI'U AL᷊AL᷊USASSA

²² “Mata eteudde sol᷊om badangnga. Amungkangngu matanu matilangnga ahewallu wadangngu lai masema-semakka.

MATIUS 6:22 Referans Kwoze

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

KOLOSE 3:22

Manga tuṛṛangnga apan naola'a allangnga! Sulal᷊ummu al᷊awo'u inolaanna, ṛinone i yamiu matuṛṛuta mawunu su runia indi. Arie tumuṛṛutta si mangitou tumba'u su tempo i mangitou uariaga si yamiu, ana waugu i yamiu maapulu raloanna. Paatuṛṛuta si mangitou ringannu naungnga waresi, ana waugu i yamiu mangngaddatta Mawu.

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

YESAYA 5:20

Nasilakate i yamiu apan mammal᷊elongngu apapia wuṛṛu al᷊al᷊eo, apan marandumma wuṛṛu masemakka, apan mapetta wuṛṛu matemangnga!

MATIUS 5:15

Tawe taumata mande'omma sol᷊o, see sol᷊o udde luuwannu wensada. I tou sarun mangaddon sol᷊o udde su tampane, tadea'u mangagillu asasemakka su al᷊awo'u taumata sulal᷊ummu wal᷊e.