MATIUS 6:21 - WUKE SUSI WATTI'U AL᷊AL᷊USASSA

²¹ Ana waugu suapa pia darotongngu uaaddo, isudde lai naungngu uaṛṛundinganna!”

MATIUS 6:21 Referans Kwoze

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

LUKAS 12:34

Ana waugu suapa pia darotongngu uaraddo, isudde lai naungngu uaraddo!”

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

YESAYA 33:6

wuṛṛu mangonggollu atatammudda su uman-Ne. Darotongnga apan naapanal᷊amatta si mangitou uddewe apapande wuṛṛu asingkatta see lai addatta su Mawu.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

WATTI'U MANGA RASUL 8:21

I'o tawe maatantalongnga sulal᷊ummu manarang kami, ana waugu naungngu wengkola su saruannu Ruata.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

FILEMON 1:3

I yami mangantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

FILEMON 1:19

Ne, mappianne i ya'u mamoṛṛeta sassane isindi: I ya'u Paulus, sarun mamaekka sarangkanambone. (Salaiwe tate ta'u iapaanaungnga manungku i'o sassane lai nabbalassa si'u, eteudde wiakku apan wakku ere sangkatou taumatan Saṛṛani.)

MATIUS 6:22

“Mata eteudde sol᷊om badangnga. Amungkangngu matanu matilangnga ahewallu wadangngu lai masema-semakka.