MATIUS 6:1 - WUKE SUSI WATTI'U AL᷊AL᷊USASSA

¹ “Naungete, arie i yamiu ma'ola'a tatuṛṛuttu agama su saruannu awadaalla tadea'u ellehannu taumata. Amungkangngu i yamiu ma'ola'a aroddi, i yamiu tawe onggol᷊annu lal᷊antakke wuassu Iamangngu su surga.

MATIUS 6:1 Referans Kwoze

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

YOHANES 12:43

I mangitou lembo maapulu maasomba daralon taumata wuassu daralon Ruata.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

MARKUS 8:15

“Paatehamma su ragi manga taumatan Farisi wuṛṛu ragin Herodes,” unnu Mawu Yesus si mangitou.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

LUKAS 11:35

Ana waugu udde, paatehamma, arie ma'oman sara asasemakka apan si'ote udde maola'a marandumma.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 5:46

Ana waugu amungkangngu i yamiu tumba'u mandangngu taumata apan mandangngu si yamiu, apa hunane su Ruata mabbal᷊issa inolaanni yamiu udde? Wal᷊inewe manga maddarorongnga wose lai ma'ola'a aroddi?

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 6:9

Nariaddi aal᷊iomante ereindi, ‘Iamangngi yami su surga; Ete I'o Ruata tumba'u Sambau. Antimanna I'o subbanna wuṛṛu wantuhanna.

TAHIUL᷊E 24:13

arawe ṛinone iapawelengnga si tou napawe maṛṛabite, tadea'u iluṛṛen tou matiilla. Ne i tou sarun ma'adiangkamanna wuṛṛu Mawu Ruatanu sarun umakkannu.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

2 MARARATU 10:16

lapiddu nabbisara, “Wette tantalongke wuṛṛu pa'ellege sassane ereapa aṛṛimadde i ya'u massubba Mawu.” Ana see itarua suadio'a sinuma'e kereta watukku Samaria.

ZAKARIA 13:4

Su allo udde, manga nabi sarun maapendamma asasili ma'ola'a manaran sangkatou nabi. I mangitou tate malluṛṛen laubbu nabi ipamahia wuṛṛu ipamarabungan manga sondamme.

WATTI'U MANGA RASUL 3:12

Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata?