MATIUS 5:9 - WUKE SUSI WATTI'U AL᷊AL᷊USASSA

⁹ Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

MATIUS 5:9 Referans Kwoze

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

ROMA 12:18

Wuassu sambaanu padea'a mabbiakka su paddarame ringannu taumata nambo.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

DARALO 120:6

Mal᷊annute i ya'u uatana'a suadio'a ringannu manga taumata apan maddirin paddarame.

ROMA 8:14

Manga taumata apan aehetannu Ghaṛṛahon Duata, i mangitou udde al᷊aṛṛana'u Duata.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

KOLOSE 3:13

I yamiu ṛinone masabare sangkatou ringannu waine, wuṛṛu maapulu mangampunga sangkatou ringannu waine. Mawu ringannu naungnga mal᷊uassa mangampunga si yamiu, nariaddi yamiu lai ṛinone mangampunga sangkatou ringannu waine.

DARALO 34:12

Paddaringikka manga ana'u sarangkanambone, i ya'u mangaṛṛa'a si yamiu mangaddata Mawu.

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

WATTI'U MANGA RASUL 7:26

Tiṛṛabbine i tou naasilo lai ruang katou taumatan Israel uawawul᷊o, see i tou nallaassa wuṛṛu nandame mangitou. I tou nabbisara, ‘I yamiu indi sangkatuṛṛangnga, anio i yamiu uawawul᷊o?’

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

1 TAWARIKH 12:17

I Daud naisasomban mangitou wuṛṛu nabbisara, “Amungkangu i yamiu rumanta maola'a hawe ana see mantul᷊ungku, wette pa'ammul᷊a'e ringanni yami. Yami manal᷊oho si yamiu ringannu naungnga mal᷊uassa. Arawe amungkangu i yamiu pia pandumma mandal᷊eo si ya'u su seetta, salaiwe i ya'u tawe na'ola'a al᷊al᷊eo si yamiu, Ruata apan sassubbannu al᷊amonan kite udde masingkatta, ne i Tou sarun makkuumanni yamiu.”

1 KORINTUS 6:6

Arawe anio sangkatou taumatan Saṛṛani inai ringannu taumata wal᷊ine Saṛṛani mangalaen pabbawawul᷊one ringannu tuṛṛangnge Saṛṛani lai!

FILIPI 4:2

Tuṛṛangku wawine Euodia wuṛṛu tuṛṛangku Sintike! I ya'u maddorongnga suapan wotongnge iradua naungnge sambau ere manga taumata apan pangangimanne lai sambau.

LUKAS 20:36

Ola'i mangitou ere mala'ekatta wuṛṛu tate mate. Ete i mangitou udde al᷊aṛṛana'u Ruata, ana waugu i mangitou suete niapawangunna apia wuassu papate.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

ROMA 8:16

Ghaṛṛahon Duata suadio'a ringannu ghaṛṛahon kite napaal᷊iatta'a ete i ite udde al᷊aṛṛana'u Ruata.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.