MATIUS 5:8 - WUKE SUSI WATTI'U AL᷊AL᷊USASSA

⁸ Lal᷊umanna'a su taumata apan naungnge waresi; i mangitou sarun maaillal᷊a Ruata.

MATIUS 5:8 Referans Kwoze

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

AMSAL 22:11

Taumata apan mappulun atatul᷊idda wuṛṛu mapia wisarane, sarun maola'a hawen datu.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

DARALO 15:2

Taumata apan mabbiakka tawe sangkulle wuṛṛu inolaanne mapia, wuṛṛu ringannu matul᷊idda mabbisara suṛṛinone;

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

DARALO 73:1

Daralon Asaf. Mapiawe atonna Ruata su al᷊aṛṛanang-Nge, su taumata apan naungnge waresi.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

DARALO 18:26

Mawu, I'o mallu'adda su taumata apan matuṛṛutta wuṛṛu mapia su taumata apan mapia.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

SONDAPPA 22:4

wuṛṛu ma'ellega hati-Ne. Aran-Ne sarun iwoṛṛeta su pakkani mangitou.

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

2 SAMUEL 22:27

Su saruannu taumata susi I'o napal᷊iatta'u watangan-Nu susi, arawe taumata apan dal᷊eo paisaseetan-Nu.