MATIUS 5:48 - WUKE SUSI WATTI'U AL᷊AL᷊USASSA

⁴⁸ Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

MATIUS 5:48 Referans Kwoze

YAKOBUS 1:4

Riagai tadea'u asasabare naungngu udde siddutu aatambanna ma'oman sara atonna-tonna i yamiu maola'a masuungnga see tawe urangnge saran kadio'a.

IMAMATTA 19:2

mamasingkatta su walahannu Israel parenta indi, “Ṛinone i yamiu susi, ana waugu i Ya'u Ruatanu uddewe susi.

LUKAS 6:36

Ṛinone i yamiu uararangngu ere Iamangngu lai mandangngu si yamiu!”

TAHIUL᷊E 18:13

Nariaddi ṛinone i yamiu mattaṛṛamawu Mawu Ruatanu ringannu ahewallu lal᷊ummu naungngu.”

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

LUKAS 6:40

Tawe ana'a si'ol᷊a nangillembo wuassu hurune. Arawe ana'a si'ol᷊a apan nasuete si'ol᷊ane, sarun maola'a lai massul᷊ungngu hurune.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 20:26

I yamiu Ta'u iṛae wuassu manga walahanna waine tadea'u mabbal᷊i pussa'a-U. I yamiu ṛinone susi ana waugu ete i Ya'u Mawu, wuṛṛu i Ya'u susi.

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

2 SAMUEL 22:31

Inolaannu Ruata nasuungnga, paairen Mawu wotongnge apangimananna! I Tou naal᷊ihidda allungnga su sarangkanambone apan uasirungnga si Tou.

MATIUS 5:47

Wuṛṛu amungkangngu i yamiu tumba'u mangngagillu tabea su manga hawenu sassane, apa lebbene? Manga taumata apan wagga ma'illal᷊a Ruata lai ma'ola'a aroddi!

TAHIUL᷊E 27:10

Ana waugu udde paatuṛṛutte Mawu Ruatanu wuṛṛu daringiṛṛete anambon parenta-Ne apan ta'u nionggola si yamiu allo indi.”