MATIUS 5:3 - WUKE SUSI WATTI'U AL᷊AL᷊USASSA

³ “Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

MATIUS 5:3 Referans Kwoze

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

AMSAL 16:19

Mappianne mattingkawawo wuṛṛu tawotongnga apan aaṛṛoanni mangitou.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

2 TAWARIKH 7:14

ana see al᷊aṛana-U apan nappaattu arang-Ku udde sumallungngu watanganne, wuṛṛu umal᷊iomanna ana see rumanta ringang-Ku wuṛṛu manatangngu inolaanni mangitou apan lal᷊eo, ne wuassu surga i Ya'u sarun maddaringikka aal᷊iomanni mangitou. I Ya'u sarun mangampungnga manga rosan mangitou wuṛṛu ma'ola'a wanuam mangitou su lal᷊umana'a apia.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

DARALO 112:1

Paddalote Mawu! Lal᷊umanna'a su taumata apan ma'imanna, apan sidutu maddaringikka manga parentan Mawu.

DARALO 1:1

Lal᷊umanna'a su taumata apan tawe maddringikka al᷊aṛa'u taumata lal᷊eo, tawe mattanno taumata marosa wuṛṛu tawe maggawe ringannu taumata apan mangal᷊uandaga Ruata,

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

MARKUS 10:14

Naasilo olangnge udde Mawu Yesus namul᷊o see i Tou nabbisara mallal᷊aṛṛenggen-Ne, “Wala'e al᷊aṛṛana'a udde rumanta ringang-Ku! Arie passingara'a i mangitou, ana waugu ete taumata ereindi maola'a lal᷊oṛṛon araratuannu Ruata.

MATIUS 13:16

“Arawe auntunganna eteapa si yamiu,” unnu Mawu Yesus su mallal᷊aṛṛenggen-Ne, “ana waugu i yamiu atonna-tonna suete naasilo wuṛṛu naaringikka.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

DARALO 146:5

Lal᷊umanna'a su taumata apan mangngasakku Mawu Ruatane, wuṛṛu uatahuanna Ruatan Yakub matatul᷊ungnge.

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

DARALO 41:1

Su piaṛṛa'u mangangantari. Daralon Daud.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

2 TAWARIKH 33:23

Arawe uapapaṛṛalan iamangnge, Amon tawe sinumallungngu watanganne, wuṛṛu tawe nabbal᷊i'a ringannu Mawu; ewe'e i tou maddosanna wuassu iamangnge.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

YOHANES 20:29

Ne Mawu Yesus nabbisara si tou, “I'o mangngimanna ana waugu naasilote si Ya'u? Asasal᷊amatta su taumata apan mangngimanna salaiwe tawe naasilo si Ya'u!”

MATIUS 24:46

Lal᷊uassa eteapa su mangangimbe udde napawe mawune nabelengke, wuṛṛu naaratingnga si tou tantal᷊anna mammanara manarane.

DARALO 84:12

Ana waugu Mawu Ruata mallal᷊u'addi ite wuṛṛu ratu apan mawantuga, apan nangonggolla si ite darangngu wuṛṛu aaddatta. I Tou manol᷊a'u sarangkanambone apan mapia su saruannu taumata apan wiakke tawe angngone.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

YAKOBUS 1:10

Wuṛṛu taumatan Saṛṛani apan ala, ṛinone lumuassa lai, amungkangu Ruata mapaawawon tou. Ana waugu taumata ala sarun mawul᷊i ere wungan ahuranganna.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

DARALO 128:1

Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

MATIUS 11:6

Lal᷊umanna'a su taumata tawe pinangiananne su ipanol᷊a'u!”

MATIUS 8:11

Atonna! Manambo taumata sarun dumanta wuassu samba'an ra'i wuṛṛu waṛṛatta lulluassa su sampunna ringanni Abraham, i Ishak wuṛṛu i Yakub sulal᷊ummu Runia Wakkun Ruata.

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 19:14

Ne Mawu Yesus nabbisarate su mallal᷊aṛṛenggen-Ne, “Wala'e manga al᷊aṛṛana'a udde rumanta ringang-Ku! Arie maningaddi mangitou, ana waugu manga taumata ere i mangitou indi apan maola'a lal᷊oṛṛon araratuannu Ruata.”

LUKAS 22:29

Ere lai Iamangnga suete nangonggolu taṛṛino si Ya'u ipamarenta, aroddi lai Ya'u sarun mangonggolu taṛṛino udde si yamiu.

LUKAS 22:30

Ringannu aroddi yamiu wotongnge lumuassa ringang-Ku su tempo i Ya'u maola'a Ratu. Wuṛṛu i yamiu sarun uma'ianna su atanggaṛṛanne su mapul᷊o dua adderan araratuanna wuṛṛu mamarenta mapul᷊o dua walahannu taumatan Israel.”

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.