MATIUS 4:18 - WUKE SUSI WATTI'U AL᷊AL᷊USASSA

¹⁸ Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 4:18 Referans Kwoze

MATIUS 10:2

Arannu sire mapul᷊o dua rasulle eteudde: paarorone i Simon (apan isassaggo lai i Petrus) ringannu tuṛṛangnge Andreas, see i Yakobus ringannu tuṛṛangnge i Yohanes, eteudde al᷊aṛṛana'i Zebedeus.

LUKAS 6:14

I Simon (isassago lai i Petrus), wuṛṛu i Andreas tuṛṛangngi Simon; i Yakobus wuṛṛu i Yohanes, i Filipus wuṛṛu i Bartolomeus,

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

MATIUS 15:29

Mawu Yesus nanantangken tampa udde, see sinumallete su apannu Ranon Galilea. Wua'udde i Tou sinumaate su sambau wuidda see inuma'iante isudde.

YOHANES 6:1

Manga pira allo wua'udde, Mawu Yesus inaite su samba'a Ranon Galilea, apan isassago lai Ranon Tiberias.

YOHANES 21:1

Wua'udde Mawu Yesus namasilon batangan-Ne paassa lai su Ranon Tiberias su manga mallal᷊aṛṛenggen-Ne. Arendi wattinge:

YOHANES 6:8

Sangkatou mallal᷊aṛṛenggennu Mawu Yesus apan baine eteudde i Andreas, tuṛṛangngi Simon Petrus nabbisara,

MARKUS 7:31

Wua'udde Mawu Yesus nanantangken wageangngu leta'u Tirus, wuṛṛu nanassukku amatanne sinumabbi Sidon watukku Ranon Galilea. I Tou namile lal᷊anna sumabbi wageangngu leta'u Mapul᷊o Soa (Dekapolis).

TAHIUL᷊E 3:17

Su samba'an baṛṛatta, wageangngu leta'i mangitou uawannadda maddatingngu Sal᷊ukku Yordan, Wuassu Ranon Galilea su sawannakka maddatingngu Tahal᷊oangnga Nate su samba'an timukka, masal᷊a watukku wawal᷊annu Wowon Pisga su samba'an ra'i.

REENGANNA 34:11

Wua'isudde sumossoka watukku Ribla su samba'an da'in Ain, ana see masal᷊a watukku manga wuidda su apannu ra'in Danon Galilea,

SASABANGNGA 3:10

Orassa indi i'o Ta'u irolokka sumaruanna ratu Mesir tadea'u i'o wotongnge mamiaṛṛa'u balahannu sumabangnga wuassu wanua udde.”

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

YEHEZKIEL 47:10

Wuassu manga al᷊imatang kua'e su En-Gedi maddatingngu al᷊imatang kua'e su En-Eglaim, manga winggine sarun marame ringannu manga samakka apan mammatin soma mangitou isudde. Al᷊awo'u hatin inassa sarun pia sulal᷊ummu ua'e udde, ere apan pia sulal᷊ummu Tahal᷊oangnga Tangngane.

MATIUS 4:19

Mawu Yesus nabbisara si mangitou, “Wette tantalongke si Ya'u. I Ya'u sarun mangaṛṛa'a si yamiu manoma taumata.”