MATIUS 4:15 - WUKE SUSI WATTI'U AL᷊AL᷊USASSA

¹⁵ “Leta'i Zebulon wuṛṛu leta'i Naftali, su lal᷊anna watukku rano, su samba'an Sal᷊ukku Yordan, Galilea, leta'u taumata wal᷊ine Yahudi!

MATIUS 4:15 Referans Kwoze

YESAYA 9:1

Walahanna apan mabbiakka sulal᷊ummu ararandumma ma'asilo semakka apan ruddiallo. Apam uatana'a al᷊ungu lintaun papate sasemaṛṛannu semakka.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

1 MARARATU 9:11

Anambon alu cemaran Libanon wuṛṛu alu cemara wiasa see anambon wul᷊awanna apan pappandumanni Salomo su wal᷊en udde buatte nionggolli Ratu Hiram si tou. Napawe manara udde nasuete, i Ratu Salomo nangonggolla si Hiram ruan pul᷊o soa su wageangngu Galilea.

YOSUA 20:7

Ne su wageangngu waṛṛatu Sal᷊ukku Yordan ṛuangannu Israel nanantunnu manga soa indi maola'a soa tatal᷊anganna: Kades su panteannu Naftali su Galilea, Sikhem su panenteannu Efraim, wuṛṛu Hebron su panenteannu Yehuda.

MATIUS 4:13

I Tou nanantangke Nazaret, see natana'e su Kapernaum su winggin Ranon Galilea su wageangngu leta'u Zebulon wuṛṛu Naftali.

MATIUS 4:14

Ana waugu Mawu Yesus na'ola'a olangnge aroddi, nariaddite apa apan suete niwisara Nabi Yesaya:

MATIUS 4:25

Manambo atonna taumata apan tinumantalongnga Mawu Yesus su tempo udde. Piaddu nirumanta wuassu Galilea, pia lai wuassu Mapul᷊o Soa, wuassu Yerusalem, wuassu Yudea, wuṛṛu pia lai wuassu wanua su samba'an Yordan.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.