MATIUS 3:14 - WUKE SUSI WATTI'U AL᷊AL᷊USASSA

¹⁴ Arawe Yohanes ma'annamma mannol᷊a'u darorongngi Tou udde. I Yohanes nabbisara, “I ya'u indi ṛinone saṛṛanianni Iamangnga. Orassa indi'e Iamangnga nirumanta ringangku maisaṛṛani si ya'u.”

MATIUS 3:14 Referans Kwoze

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

LUKAS 1:43

Isai ya'u na'oman sara inangngu Mawu nirumanta ringangku?

MATIUS 3:13

Su tempo udde Mawu Yesus inaite wuassu Galilea watukku Sal᷊ukku Yordan. Poiaroddi i Tou nirumanta ringanni i Yohanes wuṛṛu naddorongnga maisaṛṛani.

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

IBRANI 7:23

Pia lai hatto sambau: manga imam apan baine udde manambo, ana waugu i mangitou sangkatou-sangkatou natete, na'oman sara tate naasassuku manarane.