MATIUS 3:10 - WUKE SUSI WATTI'U AL᷊AL᷊USASSA

¹⁰ Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

MATIUS 3:10 Referans Kwoze

YOHANES 15:6

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

LUKAS 3:9

Wal᷊iungnga nasaddiate ipanuwangnga alu ma'oman sara ṛamunne. Al᷊awo'u alu apan tawe mabbua mapia sarun tuwanganna wuṛṛu iramme sulal᷊ummu putungnga.”

MATIUS 7:19

Su manga alu apan tawe mabbua wua apan mapia, tuwanganna wuṛṛu tutunganna.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

IBRANI 6:8

Arawe amungkangu leta'a udde tatuwoannu manga akke wuṛṛu sasuanna ṛoaanna, ne leta'a udde tawe gunane wuṛṛu sarun bontohannu Ruata wuṛṛu panginsueanne tutunganna ma'oman sara masue.

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

LUKAS 23:31

Ana waugu amungkangngu matataṛṛino su alu ta'e wiakka, taumata suete na'ola'a ereindi, apa lai sarun olaanni mangitou su alu apan naṛṛangute!”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

2 SAMUEL 23:7

tawe saran sangkatou apan mappulu mangindingnga si tou amungkangu tawe a'oenne wuassu alu ara'e atta'a. Manga taumata udde nasue niepoddu putungnga.

DARALO 92:12

I ya'u naasilo ararugin manga see'u, manga taumata apan buatte nilumawanga si ya'u, hol᷊agi mangitou apan lal᷊eo niaringiṛṛangkute.

DARALO 140:10

Arie pabbala'a see'u maauntunga; wala'e manga wisara lal᷊eo apan iwisaran mangitou maṛṛia'a su watanganni mangitou apan mallobbossa si ya'u.

DANIEL 4:14

Ringannu tingikka ma'ikkatta i tou nabbisara, ‘Tuwangke alu udde wuṛṛu tontote manga rannane, tontonga'e manga rongngane wuṛṛu sal᷊iawuṛṛa'e manga wuane. Limbuaṛṛete manga winatangnga apan ual᷊allowangnga su al᷊ungnge wuṛṛu manga manu'u winalanganna apan massal᷊akka su manga rannane.