MATIUS 27:56 - WUKE SUSI WATTI'U AL᷊AL᷊USASSA

⁵⁶ Su wallatti mangitou eteudde i Maria Magdalena, i Maria inangngi Yakobus wuṛṛu i Yusuf, wuṛṛu inangngu al᷊aṛṛana'i Zebedeus.

MATIUS 27:56 Referans Kwoze

YOHANES 19:25

Maranin arussa Mawu Yesus uarisikka inangngu Mawu Yesus, wuṛṛu tuṛṛangngu inang-Nge wawine, i Maria awingngi Klopas, wuṛṛu i Maria Magdalena.

MARKUS 16:9

Napawe Mawu Yesus nabangunte wuassu papate, rua'allo atonna su allo Misa, i Tou paarorone nattingkapasilom batangan-Ne si Maria Magdalena. (Wuassi Maria udde Mawu Yesus suete napasabangngu sire pitu ghaṛṛaho lal᷊eo.) Manga wawine udde inaite ringanni Petrus wuṛṛu manga hawene, see nabbati'a ringannu maautta anambon apa apan suete niapasingkattu taumata umbasanna udde si mangitou.

MARKUS 15:47

Tantal᷊anna udde i Maria Magdalena wuṛṛu i Maria inangngi Yoses mannutukka suapa tampa Mawu Yesus niaddo.

MATIUS 28:1

Napawe allon Sabatta nal᷊iudde, su allo Misa ruaallo atonna, i Maria Magdalena wuṛṛu i Maria apan waine inaite na'ellega lal᷊abinganna udde.

YOHANES 20:18

Ne i Maria inaite namasingkatta su manga mallal᷊aṛṛenggennu Mawu Yesus manungku i tou suete naasilo Mawu Yesus wuṛṛu manungku Mawu suete namasingkattu sarangkanambone udde si tou.

YOHANES 20:1

Su allo Misa ruaallo, su tempo ta'e marandumma, Maria Magdalena inaite watukku lal᷊abinganna. I tou naasilo watu laṛṛapingnge na'irute wuassu loṛṛangngu lal᷊abinganna udde.

LUKAS 24:10

Manga wawine apan namasingkattu sarangkanambone udde su mallal᷊aṛṛenggennu Mawu Yesus eteudde: i Maria Magdalena, i Yohana wuṛṛu i Maria inangngi Yakobus, see manga wawine waine apan su sampunna ringanni mangitou.

MATIUS 27:61

I Maria Magdalena wuṛṛu i Maria apan baine tinangngone ua'ianna uasaruanna labingnga udde.

MATIUS 13:55

Wal᷊inewe i Tou ana'u waseng kalu? Wal᷊inewe i Maria udde inangnge; wuṛṛu manga tuṛṛangnge udde i Yakobus, i Yusuf, i Simon, wuṛṛu i Yudas?

LUKAS 8:2

Aroddi lai sire pira wawine apan suete niapaapia wuassu ghaṛṛaho lal᷊eo wuṛṛu rada'a. I mangitou eteudde i Maria apan isassago Magdalena (pitu ghaṛṛaho lal᷊eo apan suete niapaasabangnga wuassi tou);