MATIUS 27:22 - WUKE SUSI WATTI'U AL᷊AL᷊USASSA

²² “Amungkangngu aroddi, i ya'u ṛinone ma'ola'a apa su Mawu Yesus apan isassaggo Kristus?” aiwal᷊om Pilatus si mangitou. “Arussa'a i Tou!” sasimbakki mangitou sarangkanambone.

MATIUS 27:22 Referans Kwoze

WATTI'U MANGA RASUL 13:38

Ana waugu udde manga tuṛṛangnga, i yamiu ṛinone maasingkata manungku sulal᷊ummu Mawu Yesus indi, watti'a su ola'u pangangampungnga rosa niapaasingkatta si yamiu; i yamiu ṛinone masingkatta manungku suapan taumata apan mangngimanna si Tou, iapaal᷊iu wuassu al᷊awo'u rosa apan tawe iapappassa sulal᷊ummu manga parenta Ruata apan niapaasingkatti Musa.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

MARKUS 14:55

Manga imam tembonanne wuṛṛu manga Mallaṛṛuungngu Agama mangke maddea'a maasomba pasasal᷊a Mawu Yesus tadea'u wotongnge maṛṛuumanni Tou ma'oman sara pateanna. Arawe i mangitou tawe naasomba saran sambau pasasal᷊a.

MATIUS 27:17

Nariaddi, su tempo taumata nambo na'ammulle, i Pilatus naiwal᷊o si mangitou, “Isai su apulun kamiu, ta'u ipallossa? Yesus Barabas ara'e Mawu Yesus apan isassaggo lai Kristus?”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

AYUB 31:31

Manga taumata apan mammanara ringangku masingkatta, manungku suapan taumata ta'u saruanna su wal᷊e'u.

MATIUS 27:21

See gubernure udde naiwal᷊o apia si mangitou, “Wuassu wallatti tarua indi, isai sarun ipallossa tumuṛṛuttu apulung kamiu?” “I Barabas,” sasimbakki mangitou.

MATIUS 27:23

“Arawe apa al᷊al᷊eone?” aiwal᷊om Pilatus. See i mangitou inumui lembon aikkanne lai, “Arussa'a i Tou!”

YOHANES 4:25

Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”

WATTI'U MANGA RASUL 13:28

Salaiwe i mangitou tawe maasomba sambau pasasal᷊a wuassi Tou, apan botongnge maaṛṛuumanna ringannu ṛuumanna pateanna, arawe i mangitou nadorongnga si Pilatus tadea'u i Tou pateanna.