MATIUS 27:17 - WUKE SUSI WATTI'U AL᷊AL᷊USASSA

¹⁷ Nariaddi, su tempo taumata nambo na'ammulle, i Pilatus naiwal᷊o si mangitou, “Isai su apulun kamiu, ta'u ipallossa? Yesus Barabas ara'e Mawu Yesus apan isassaggo lai Kristus?”

MATIUS 27:17 Referans Kwoze

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

MATIUS 27:16

Su tempo udde pia sangkatou ṛuumanna apan niasingkatante n taumata nambo. Aranne Yesus Barabas.

MATIUS 27:18

I Pilatus nabbisara aroddi ana waugu i tou masingkatta manungku manga tembonannu Yahudi nanantillu Mawu Yesus si tou ana waugu i mangitou tawe mal᷊uassa si tou.

YOHANES 4:25

Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”