Biblia Todo Logo
Bib sou entènèt

- Piblisite -




MATIUS 26:63 - WUKE SUSI WATTI'U AL᷊AL᷊USASSA

63 Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

Gade chapit la Kopi




MATIUS 26:63
42 Referans Kwoze  

Sasamba ipangampungnga rosa ṛinone ionggola; Amungkangngu pia sangkatou taumata ringannu atonna niroronganna massakassi su mallaṛṛuungnga, arawe tawe nanal᷊a'an sarangkanambone apan buatte niasiloanna ara'e niaringiṛṛanne, na'oman sara i tou sarun mamasanna passasala udde.


I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”


I tou nihesekka ringannu maṛṛagissa, arawe mangke uapasanna ringannu sabbare. I tou tawe namu'a moṛṛongnge naal᷊ihidda ana'u domba apan iapidda su tampan pallaṛṛatanna ara'e naal᷊ihidda inangngu domba apan huntinganna wambul᷊une.


Arawe su tempo manga imam tembonanne wuṛṛu piaṛṛa'u Yahudi napasabangngu anambon alae su ola'u Mawu Yesus, i Tou tawe sinumimbakka saran addio'a.


arawe tawe saran sangkatou apan na'inumma pul᷊a udde, ana waugu matta'uttu aṛṛinoannu tatal᷊an Saul.


Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.


Ne i tou nabelengnga sinumutta sulal᷊ummu wal᷊en araratuanna wuṛṛu napawe Mawu Yesus niapidde sulal᷊umme, i Pilatus naiwal᷊o si Tou, “I'o indi daranta-Nu wuassuapa?” Arawe Mawu Yesus tawe sinumimbakka.


Manga taumatan Yahudi udde sinumimbakka, “Tumuṛṛuttu titan kami, i Tou ṛinone pateanna ana waugu i Tou mangnga'u watangan-Ne Ana'u Ruata.”


Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”


anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.


I Ya'u wuṛṛu Iamangnga tumba'u sambau.”


su tempo udde manga taumatan Yahudi nirumanta ma'ammulla mamal᷊iwutta Mawu Yesus. I mangitou nabbisara, “Sara tingngera I'o mamalang kami uapapadua? Wal᷊oa'e paasemakka, amungkangngu I'o atonna-tonna Ratum Punnu Sal᷊amatta.”


“Ṛinone isai I'o?” aiwal᷊o mangitou. Mawu Yesus sinumimbakka, “Ipa'ura maggahatong kamiu apia!


I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”


“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”


I ya'u suete naasilo sassane,” unni Yohanes, “wuṛṛu ya'u mangonggolu tatiala manungku ete i Tou Ana'u Ruata.”


Arawe Mawu Yesus mal᷊annaba. I Tou tawe sinumimbakka saran paassa. See imam bahewa udde naiwal᷊o paassa lai si Tou, “Ete I'o Ratum Punnu Sal᷊amatta, Ana'u Ruata Lembo Naukkassa?”


Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”


I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”


I mangitou mabbisara, “I'o apan manggohakku Wal᷊e Mawu, wuṛṛu mapararisikka apia sulal᷊ummu tallu allo! Amungkangngu I'o Ana'u Ruata, lintukke wuassu alu arussa udde, wuṛṛu panal᷊amatte riri-Nu!”


Arawe Mawu Yesus tawe sinumimbakka saran addio'a na'oman sara gubernure udde mangke naherangnga atonna.


Sadrakh, Mesakh wuṛṛu Abednego sinumimbakka, “Tuangnga apan mawantuga, i yami tawe maannamma manahekku watanganni yami.


Taumata apan mammanara suadio'a ringannu manana'o, atappasanne mabbinsin batanganne sassane. Amungkangngu i tou mabbati'a atonna su pallaṛṛuunganna, i tou sarun iṛṛuumanna. Arawe amungkangngu i tou sidutu mal᷊annabba, i tou sarun aṛṛinoannu wawontogu Ruata.


Ahab sinumimbakka, “Amungkangu i'o mabbisara si ya'u ringannu arannu Mawu, pasingkata'e ringannu atonna. Paapirate i'o ṛinone ta'u iapanaungnga su ola'u hatto udde?”


I Ahab sinumimbakka, “Amungkangngu i'o mabbisara si ya'u ringannu arannu Mawu, wal᷊oa'e ringannu atonna. Paapira i'o ta'u iappanaungnga su ola'u hatto udde?”


Wua'udde sangkatou wuassu manga tantara udde nabbisara si Yonatan, “Yami sarangkanambone tate ikkatta ana waugu mal᷊unussa. Arawe iamangngi Tuangnga buatte naningaddi yami ringannu sasalu, wisarane, ‘Niawontohante taumata apan niumanna allo indi.’ ”


Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.


Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.


Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.


Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”


See imam bahewa nirumarisikka, wuṛṛu nabbisara Mawu Yesus, “Apa I'o tawe sumimbakka alae apan ipa'iwal᷊o Si'o?”


Ana waugu Yesus Kristus, Ana'u Ruata, apan nipaasingkati Silas, Timotius; wuṛṛu i ya'u sassane lai, wal᷊inewe taumata “Ore” wuṛṛu “Tawe”. Arawe udde naaola'a sasimbakka “Ore” wuassu Ruata.


Swiv nou:

Piblisite


Piblisite