MATIUS 26:29 - WUKE SUSI WATTI'U AL᷊AL᷊USASSA

²⁹ Pangimante: i Ya'u tate ma'inumma anggore indi apia ma'oman sara tempone i Ya'u ma'inumma anggore wakku su sampunna ringanni yamiu su Araratuannu Iamangku.”

MATIUS 26:29 Referans Kwoze

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

MARKUS 14:25

Pangimante: i Ya'u tate ma'inumma anggore indi apia, ma'oman sara tempone i Ya'u ma'inumma anggore wakku su sampunna ringanni yamiu su Runia Wakkun Iamang-Ku.”

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

WATTI'U MANGA RASUL 10:41

tawe su anambon taumata ewe'e tumba'u si yami apan suete nipilen Ruata paarorone tadea'u maola'a manga tiala-Ne: I yami u'anna wuṛṛu ma'inumma ringanni Tou napawe i Tou nabbiakke apia wuassu papate.

YOHANES 17:13

Orassa indi i Ya'u rumanta ringannu Iamangnga. Sarangkanambone indi iwal᷊o'u tantal᷊anna i Ya'u ta'e su runia; tadea'u i mangitou ringannu nasuungnga mamendamma al᷊al᷊uassa wuassia-U.

MATIUS 13:43

Wuṛṛu manga taumata apan ma'ola'a apulun Ruata sarun lumansiangnga ere matannallo sulal᷊ummu Runia Wakkun Ruata, Iamangngi mangitou. Nariaddi, amungkangngu pia tal᷊inga paddaringikka!”

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YOHANES 15:11

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

DARALO 104:15

wuṛṛu napasabbangu ua'e anggore apan maal᷊uassa. See lai lanan zaitun apan maatilangnga hatine, wuṛṛu anna apan mangngonggolu atatohassa si tou.

DARALO 4:7

Manambo taumata ma'iwal᷊o, “Isai apan sarun mangal᷊amatta si ite?” Antimanna I'o umakkanni yami, oh Mawu.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 26:30

Wua'udde i mangitou nangantarin sambau antari daralo. Wuṛṛu wua'udde i mangitou inaite watukku Wuiddu Zaitun.