MATIUS 26:10 - WUKE SUSI WATTI'U AL᷊AL᷊USASSA

¹⁰ Mawu Yesus naasingkatta ṛingiṛṛanni mangitou, see i Tou nabbisara, “Anio i yamiu mapaasusan bawine indi? I tou na'ola'a inolaanna apan mapia wuṛṛu mawantuga si Ya'u.

MATIUS 26:10 Referans Kwoze

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

TITUS 3:1

Paanaunga'a su manga lal᷊oṛṛon jamaatta tadea'u i mangitou matuṛṛuta manga piaṛṛange wuṛṛu tembonannu araratuanna, see matuṛṛuta wuṛṛu maapulu ma'ola'a manga inolaanna apan mapia.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 TIMOTIUS 3:1

Mangke atonna wisara'u indi, “Taumata apan maapulu maola'a mallal᷊u'adda jamaatta, maapulun sambau manara apan maarega.”

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

GALATIA 6:17

Wua'udde, arie pia sangkatou lai mapaasusa'u lai, ana waugu su wadangku pia manga tatiala manungku i ya'u mallal᷊aṛṛenggennu Mawu Yesus.

GALATIA 5:12

Lembon apianne manga taumata apan mangngal᷊iwun ṛingiṛṛannu udde mappianne lapiddu sumabbanga wuassu jamaatta!

GALATIA 1:7

Tumuṛṛuttu atonna tate lai “watti'u al᷊al᷊uassa apan waine”. Tumba'u pia manga taumata apan mammasingkata si yamiu “watti'u al᷊al᷊uassa”, su ola'i Kristus apan niwal᷊elongngi mangitou na'oman sara i yamiu nial᷊iwune.

2 KORINTUS 9:8

Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

MARKUS 14:6

Arawe Mawu Yesus nabbisara, “Wala'e aroddi i tou! Anio i yamiu mapaasusan tou? I tou ma'ola'a inolaanna mapia, wuṛṛu ma'al᷊uassa si Ya'u.

AYUB 13:7

Wotongnge ringannu arannu Ruata, i yamiu mammahia? Wotongnge i yamiu mangngawusu ana waugu hausan-Ne?

NEHEMIA 2:18

Ana see i ya'u nabbatti'a si mangitou ereapa Ruata nantul᷊ungku wuṛṛu apa apan buatte niwisaran datu si ya'u. I mangitou sinumimbakka, “Wette i ite manattakke mapararisikka!” Ana see i mangitou nandiahite manattakka mammanara.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

MATIUS 26:9

“Lana mawangngi udde wotongnge iwal᷊u'a ringannu aregane apan masaggada, wuṛṛu roinne ionggolla su taumata asiangnga!”

MATIUS 26:11

Taumata asiangnga sidutu isudde su wallatti yamiu, arawe i Ya'u tawe mal᷊annu su sampunna ringanni yamiu.

LUKAS 8:49

Tantal᷊anna Mawu Yesus ta'e uahahatto, sangkatou ralol᷊oṛṛanna nirumanta wuassu wal᷊en Yairus. I tou nabbisara si Yairus, “Ana'i tuangnga natete. Ariete lai tuangnga mapaasusam Iamangnga Huru.”