MATIUS 25:45 - WUKE SUSI WATTI'U AL᷊AL᷊USASSA

⁴⁵ Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

MATIUS 25:45 Referans Kwoze

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

AMSAL 17:5

Isai mangngal᷊uandaga taumata masa'ina, mallobbossa taumata Ruata mandariaddine. Isai apan lulluassu asasilakan taumata waine, sarun maasomba ṛuumanna.

WATTI'U MANGA RASUL 9:5

“Isai I'o, Mawu?” aiwal᷊on Saulus. Tingikka udde sinumimbakka, “Ete i Ya'u Mawu Yesus, apan raddal᷊eoannu.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

MATIUS 10:41

Taumata apan nanarimmattu nabi ana waugu i tou nabi, sarun manarimmattu lal᷊antakke ere sangkatou nabi. Wuṛṛu isai apan manarimmattu sangkatou apan mapia ana waugu i tou mapia, sarun manengkamma lal᷊antakku sangkatou taumata apan mapia.

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

1 KORINTUS 8:12

Wuṛṛu amungkangngu i'o ma'ola'a pasasal᷊a ereudde su saruannu manga tuṛṛangnga apan Saṛṛani – eteudde i'o nanggohakku pangangimanni mangitou apan lome – ne i'o narosa su saruanni Kristus.