MATIUS 25:43 - WUKE SUSI WATTI'U AL᷊AL᷊USASSA

⁴³ I Ya'u taumata raho, i yamiu tawe nanarimmatta si Ya'u sulal᷊ummu wal᷊enu. I Ya'u tawe laubba i yamiu tawe nangagillu laubba si Ya'u. I Ya'u maradda'a wuṛṛu su ṛuumanna, i yamiu tawe nantul᷊ungku.’

MATIUS 25:43 Referans Kwoze

MATIUS 25:36

I Ya'u tawe laubba, i yamiu nangagillu laubba si Ya'u. I Ya'u maradda'a i yamiu nangundamma si Ya'u, i Ya'u su ṛuumanna, i yamiu nantul᷊ung-Ku.’

MATIUS 25:42

Ana waugu su tempo i Ya'u mal᷊unussa, i yamiu tawe nangagillu anna si Ya'u; su tempo i Ya'u marou, i yamiu tawe nangagillu ua'e si Ya'u.

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

MAL᷊AṚṚUUNGNGA 19:15

I mangitou niumotongnga isudde ana manaṛabbi, ana see sinumuttate su soa wuṛṛu niuma'iante su rallakka mal᷊alanga. Arawe taambe saran sangkatou apan nangahe si mangitou manaṛabbi su wal᷊ene.

AYUB 31:19

Napawe i ya'u maasilo taumata apan su awussa, tumaniten asiangnga na'oman sara tate maawalli laubba,

YEHEZKIEL 22:29

Manga taumata ala mammahia wuṛṛu mangngaṛṛo. I mangitou ma'ola'a taumata asiangnga ringannu walate apulu wuṛṛu mangnganu auntunganna wuassu taumata raho.

WATTI'U MANGA RASUL 15:36

Tawe nal᷊annu wua'udde i Paulus nabbisara si Barnabas, “Wette i ite mabelengke apia mattembo manga tuṛṛangnga apan mangngimanna Mawu Yesus su anambon soa apan suete niwatti'i anni ite wisara Mawu; tadea'u i ite maasilo ereapa ola'i mangitou.”

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.