MATIUS 25:40 - WUKE SUSI WATTI'U AL᷊AL᷊USASSA

⁴⁰ Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:40 Referans Kwoze

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

MARKUS 9:41

Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

MATIUS 10:40

“Taumata apan manarimmatti yamiu, manarimmatta si Ya'u lai. Wuṛṛu taumata manarimmatta si Ya'u, manarimmatta si Tou lai apan suete nandolo-U.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

EFESUS 5:30

I ite masingkattu udde, ana waugu i ite wageangngu wadangi Kristus.)

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

2 SAMUEL 9:7

I Daud nabbisara, “Arie pa'ata'utta. I ya'u marangngu si'o ana waugu i Yonatan iamangngu. Anambon leta'i iupungngu i Saul, sarun ta'u iul᷊e si'o wuṛṛu saran mal᷊annu-l᷊annu i'o wotongnge umanna su wal᷊en araratuanna.”

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

MATIUS 28:10

“Arie pa'ata'utta,” wisara Mawu Yesus si mangitou, “roote wal᷊oa'a su manga tuṛṛangku, tadea'u i mangitou inai su Galilea, poiaroddi i mangitou sarun maasilo si Ya'u.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

2 SAMUEL 9:1

Su allo sambau i Daud naiwal᷊o, “Ta'e pia taumata wiakka wuassu amonanni Saul? Amungkangu ta'e pia, i ya'u maapulu ma'ola'a apapia si tou ana waugu i Yonatan.”

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

2 MARARATU 4:10

Mappianne iaddua ma'ola'a sambau wabbo'a addio'a su ṛengkenne al᷊iurosone, wuṛṛu mandiahi atatiilane, medda, addera, wuṛṛu sol᷊o tadea'u i tou wotongnge manaṛabbi isudde suapan i tou rumanta mattembo si ite.”

MATIUS 25:39

Su tempo suapa i yami naasilo Mawu maradda'a ara'e su ṛuumanna, see i yami nantul᷊ungngu Mawu?’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

YEREMIA 39:17

Arawe i Ya'u, Mawu, sarun mallu'adda si'o. I'o tawe itantilla su manga taumata apan iaata'unnu.