MATIUS 25:36 - WUKE SUSI WATTI'U AL᷊AL᷊USASSA

³⁶ I Ya'u tawe laubba, i yamiu nangagillu laubba si Ya'u. I Ya'u maradda'a i yamiu nangundamma si Ya'u, i Ya'u su ṛuumanna, i yamiu nantul᷊ung-Ku.’

MATIUS 25:36 Referans Kwoze

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

LUKAS 3:11

I Yohanes sinumimbakka, “Taumata apan laungnge darua ṛinone mangonggolu samparassa su taumata tawe laubba, wuṛṛu taumata pia anna, ṛinone mattahia su taumata tawe anna.”

MATIUS 25:43

I Ya'u taumata raho, i yamiu tawe nanarimmatta si Ya'u sulal᷊ummu wal᷊enu. I Ya'u tawe laubba i yamiu tawe nangagillu laubba si Ya'u. I Ya'u maradda'a wuṛṛu su ṛuumanna, i yamiu tawe nantul᷊ungku.’

YEHEZKIEL 34:4

Manga domba apan lome tawe paddul᷊iananni yamiu, iapa maradda'a tawe undamanni yamiu, iapa nal᷊essa tawe wa'isanni yamiu, wuṛṛu iapa nilamammiṛṛane tawe reaanna wuṛṛu iapidda apia. Ewe'e lai anambon manga domba udde niola'i yamiu ringannu maṛṛagissa.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YEHEZKIEL 18:16

ara'e mammaṛṛanga wuṛṛu mangngaṛṛo sisai-sai. Manga saranapa wataṛṛun taumata apan pia awallassa si tou sidutu iapawelenge. Taumata apan niamal᷊unusanna anggilanne anna wuṛṛu taumata apan tawe laubba anggilanne laubba.

MATIUS 25:37

See manga taumata udde sarun mabbisara, ‘Mawu, angngerate i yami naasilo Mawu mal᷊unussa see i yami napaannu Mawu, ara'e marou see i yami napa'inummu Mawu?