MATIUS 25:35 - WUKE SUSI WATTI'U AL᷊AL᷊USASSA

³⁵ Ana waugu su tempo i Ya'u mal᷊unussa, yamiu nangagillu anna si Ya'u, wuṛṛu su tempo i Ya'u marou, i yamiu nangagillu ua'e si Ya'u. I Ya'u sangkatou raho, i yamiu nanarimmatta si Ya'u su wal᷊enu.

MATIUS 25:35 Referans Kwoze

YEHEZKIEL 18:16

ara'e mammaṛṛanga wuṛṛu mangngaṛṛo sisai-sai. Manga saranapa wataṛṛun taumata apan pia awallassa si tou sidutu iapawelenge. Taumata apan niamal᷊unusanna anggilanne anna wuṛṛu taumata apan tawe laubba anggilanne laubba.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

AYUB 31:32

Wal᷊e'u wawu'anna su taumata apan sussal᷊ele; taambe saran paassa i mangitou niwala'u mattiilla su lal᷊anna.

ROMA 12:20

Arawe amungkangngu seenu mal᷊unussa, i tou onggol᷊e n anna, wuṛṛu amungkangngu i tou marou, painuma'a i tou. Ana waugu ringannu na'ola'a aroddi, tuṛṛangnga namansili si tou.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

ROMA 16:23

Gayus napaapiddu tabea lai si yamiu. I ya'u uatana'a su wal᷊ene wuṛṛu jamaatti yami lai mattaṛṛamawu isudde. Erastus, tembonannu mananahipunna roittu soa, napaapiddu tabeane lai si yamiu. Aroddi lai tuṛṛangngi ite Kwartus. [

WATTI'U MANGA RASUL 16:15

I Lidia wuṛṛu lal᷊oṛṛon bal᷊ene nisaṛṛanite. Napawe sueten saṛṛanine i tou nabal᷊o si yami. I tou nabbisara, “Amungkangngu manga tuṛṛangnga mammendamma i ya'u atonna-tonna suete nangngimanna Mawu Yesus, wette pangintal᷊ate su wal᷊e'u.” See i tou mammata'a tadea'u i yami tumuṛṛutta darorongngi tou.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

YOHANES 13:29

Piaddu massunna Mawu Yesus mandolokki Yudas mamalli sarannapa apan ipaatta su andeangnga udde, ara'e mangonggolu roitta adio'a su taumata asiangnga ana waugu i Yudas eteudde sangkatou mananahipunna roitti mangitou.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

MARKUS 14:7

Taumata asiangnga sidutu su wallatti yamiu. Suapan tempo amungkangngu i yamiu maapulu, i yamiu wotongnge mantul᷊ungngi mangitou. Arawe i Ya'u tate mal᷊annu su sampunna ringanni yamiu.

MATIUS 26:11

Taumata asiangnga sidutu isudde su wallatti yamiu, arawe i Ya'u tawe mal᷊annu su sampunna ringanni yamiu.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

AMSAL 25:21

Amungkangngu seennu mal᷊unussa, i tou onggol᷊eten anna; amungkangngu i tou marou, painuma'e i tou.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

AMSAL 14:21

Isai mallobbossa taumata waine, na'ola'a rosa; isai apan u'akkannu taumata asiangnga, sarun mabbiakka su lal᷊umanna'a.

1 MARARATU 17:11

Sutempo wawine wal᷊u udde tantal᷊anna u'amatta manganu ua'e, i Elia nabbisara, “Inangnga, apire lai addio'a roti.”