MATIUS 25:31 - WUKE SUSI WATTI'U AL᷊AL᷊USASSA

³¹ “Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 25:31 Referans Kwoze

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MARKUS 8:38

Amungkangngu sangkatou taumata massili mangnga'u si Ya'u wuṛṛu al᷊aṛṛa'U su tempo mal᷊awangnga wuṛṛu lal᷊eo indi, Ana'u Taumata lai massili manga'u taumata udde, su tempo i Tou rumanta apia ringannu taṛṛinon Iamangnge, tatantalongannu manga mala'ekatta apan susi.”

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

DARALO 9:7

Seetti yami nasute niṛṛadda'a, manga soan mangitou pinakkimunsang-Ngu; tateddu mannaungnga lai.

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

LUKAS 9:26

Amungkangngu taumata massili manga'u si Ya'u wuṛṛu al᷊ara'u, Ana'u Taumata lai massili manga'u taumata udde su tempo i Tou rumanta apia ringannu taṛṛino-Ne, wuṛṛu ringannu taṛṛinon Iamangnga wuṛṛu taṛṛino mala'ekatta apan susi!

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

MARKUS 14:62

“Ete i Ya'u,” sasimbakku Mawu Yesus, “wuṛṛu i yamiu sarangkanambone sarun maasilo Ana'u Taumata uma'ianna su uanannu Ruata Apan Lembo Mataṛṛino wuṛṛu rumanta sulal᷊ummu winabbawa wuassu langitta!”

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

WATTI'U MANGA RASUL 1:11

“Ei, manga taumatan Galilea,” unnu taumata darua udde, “anio i yamiu uarisikka isudde uatingngara langitta? Mawu Yesus apan aellehanni yamiu nasengkengnga watukku surga udde su saruanni yamiu, sarun mabelengnga apia ringannu olangnge ereudde lai apan niasiloanni yamiu tanginna.”

LUKAS 22:69

Arawe manattakka orassa indi, Ana'u Taumata sarun uma'ianna su uanannu Ruata Lembo Mataṛṛino.”

MATIUS 25:6

Su alloarane, wakku udde inaringikka aintul᷊i, ‘Ma'aawingnga esakka nirumantate! Wette manal᷊oho si Tou!’

1 SAMUEL 2:10

Manga seettu Mawu mangke maṛṛimunsa'a, i mangitou matta'utta; wuassu langitta i Tou ruddalu'a. Mawu sarun makkuungngu ahewallu runia indi, wuṛṛu mangonggolu taṛṛino apan mawantuga su manga ratu apan nipile-Ne.”

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.