MATIUS 25:20 - WUKE SUSI WATTI'U AL᷊AL᷊USASSA

²⁰ Mangangimbe apan nanengkamma lima ṛiwu roitta wul᷊awanna udde nirumanta wuṛṛu nanantillu mapul᷊o ṛiwu. ‘Mawu,’ wisarane, ‘Mawu nanantillu lima ṛiwu roitta wul᷊awanna si ya'u. Pa'ellege, i ya'u naasomba auntunganna lai lima ṛiwu.’

MATIUS 25:20 Referans Kwoze

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

MATIUS 18:24

Su tempo i tou nanattakke mamarikissa, niapasaruanna si tou sangkatou allangnga apan pia utangnge ringannu jutane,

LUKAS 19:13

Tantal᷊anna taambe inai, i tou namago sire mapul᷊o mangangimbene, see nangagille si mangitou sangkatou-sangkatou passambau roitta wul᷊awanna. ‘Pabbal᷊u'e ringannu roitta indi tantal᷊anna i ya'u su amatanna,’ unni tou si mangitou.