MATIUS 25:14 - WUKE SUSI WATTI'U AL᷊AL᷊USASSA

¹⁴ “Napawe Ana'u Taumata nirumanta ere sangkatou Mawu olangnge ere lai sulal᷊ummu sasumandingnga indi. Sangkatou esakka maapulu inai massenggotta su tampa apan marau. I tou namaggo manga mangangimbene niapariaga darotongnge.

MATIUS 25:14 Referans Kwoze

MARKUS 13:34

Olangnge isumandingnga ere sangkatou apan nanantangngu wal᷊ene see inai su tampa marau. I Tou nandolokku manga ralol᷊oṛṛanne mandiaga wal᷊ene, wuṛṛu nangagillu manara si mangitou sangkatou-sangkatou. Su mandariaga ngara, i tou nananata tadea'u mandiaga mapia-pia.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

1 KORINTUS 12:4

Pia manambo hatin al᷊amatta wuassu Ghaṛṛahon Duata, arawe sarangkanambone nionggolu Ghaṛṛaho apan sambau.

MATIUS 21:33

“Daringiṛṛe sasumandingnga sambau indi lai,” unnu Mawu Yesus. “Sangkatou tatahuannu leta'a nassuanna su sambau waillu anggore. I tou na'ola'a paggala pinamal᷊iwutta, wuṛṛu na'al᷊i, loṛṛangnga pangadoannu pamamakannu anggore, wua'udde niapararisikke wal᷊em pandariaganna. Wua'udde i tou napasewatem baillu anggore udde su mamamanarane, see i tou nangingkatte su wanua waine.

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.

LUKAS 20:9

Mawu Yesus nabatti'e su manga taumata udde, sasumandingnga ereindi, “Pia sangkatou massuanna su sambau waillu anggore. I tou napa sewan wailla udde su sire pira mammamanara, see i tou inaite su wanua waine wuṛṛu natana'e mal᷊annu poiaroddi.