MATIUS 25:10 - WUKE SUSI WATTI'U AL᷊AL᷊USASSA

¹⁰ Ne manga maṛṛuala apan boddo udde inaite namalli lana. Tantal᷊anna inaiaroddi, nirumantate ma'a'awingnga esakka. Sire lima maṛṛuala apan nasaddiate udde sinumuttate su sampunna ringannu ma'a'awingnga esakka su tampan andeangnga, wuṛṛu ngara niṛṛuudde!

MATIUS 25:10 Referans Kwoze

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

MATIUS 24:44

Ana waugu udde, i yamiu lai ṛinone uariaga. Ana waugu Ana'u Taumata sarun dumanta su orassa apan tawe iaṛṛangngong kamiu.”

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

MATIUS 25:6

Su alloarane, wakku udde inaringikka aintul᷊i, ‘Ma'aawingnga esakka nirumantate! Wette manal᷊oho si Tou!’

DARALO 95:11

Ne i Ya'u nassalu sulal᷊ummu asasa'u-U, i mangitou sarun tawe maasutta su wanua udde maddea'a maasomba pangillol᷊oanna suadio'a ringang-U.”

PANDARIADDI 7:16

ere buatte nirolokku Ruata si tou. Napawe sarangkanambone nasuttate, Mawu naṛṛuudu ngaran apalla.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

MATIUS 7:21

“Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

MATIUS 24:42

Nariaddi, paatehamma, ana waugu yamiu wagga tingngera Mawunu sarun dumanta.

MATIUS 24:43

Paanaunge indi! Unnu wisara tatahuannu wal᷊e masingkatta puulla sangkura su tempo ṛabbi manana'o rumanta, i tou tawe matiilla, tadea'u manana'o tawe maasutta sulal᷊ummu wal᷊ene.

LUKAS 12:35

“Paatehamma sumaruanna al᷊awo'u hatto. I yamiu ṛinone sidutu uasaddia ualluṛṛen laubba wuṛṛu sol᷊onu sidutu rare'omanna,

SONDAPPA 19:7

Wette i ite lumala'a wuṛṛu lumuassa; wette i ite maddalo awawantu-Ge! Ana waugu nia'omante allong kawingnga apan uaaggasa arannu Ana'u Domba udde, wuṛṛu pare-Ne nasaddiate iawingnga si Tou.