MATIUS 24:36 - WUKE SUSI WATTI'U AL᷊AL᷊USASSA

³⁶ “Tawedu masingkatta allone wuṛṛu oranne, manga mala'ekattu Mawu su surga lai wagga, Ana'u Ruata lai wagga, tumba'u Iamangnga sassane masingkatta.

MATIUS 24:36 Referans Kwoze

MARKUS 13:32

“Salaiwe aroddi, tawedu saran sangkatou masingkattu tempo suapa allone ara'e oranne. Manga mala'ekatta su surga lai wagga, Ana'a lai wagga, tumba'u Iamangnga sassane masingkatta.

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

MATIUS 24:44

Ana waugu udde, i yamiu lai ṛinone uariaga. Ana waugu Ana'u Taumata sarun dumanta su orassa apan tawe iaṛṛangngong kamiu.”

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

MATIUS 24:42

Nariaddi, paatehamma, ana waugu yamiu wagga tingngera Mawunu sarun dumanta.

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.

ZAKARIA 14:7

Su allo udde tate lai ararandumma. Allo udde sidutu masemmakka, wuṛṛu lai sutempo ṛabbi. Arawe tumba'u Mawu apan masingkattu allo udde rumanta.