MATIUS 24:15 - WUKE SUSI WATTI'U AL᷊AL᷊USASSA

¹⁵ “I yamiu sarun maasilo ‘Al᷊al᷊eo apan maahohakka’, ere suete niapasingkatti Nabi Daniel, uarisikka su tampa susi. (Iapasingkatta su mabbawasa: Ṛingira'a apa atappasanne!)

MATIUS 24:15 Referans Kwoze

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

MARKUS 13:14

“I yamiu sarun maasilo ‘Al᷊al᷊eo apan maahohakka’ uarisikka su tampa apan isassingadda si tou. (Iapasingkatta su mabawasa: Ṛingira'e apa atappasanne!) Su tempo udde taumata apan uatana'a su Yudea ṛinone tumal᷊angnga watukku wuidda.

LUKAS 21:20

“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

SONDAPPA 1:3

Lal᷊umanna'a su taumata apan mabbasa wuṛṛu maddaringikka watti'u papattam wuke indi see tuttuṛṛuta apa apan uawoṛṛetta sulal᷊ummu wuke indi. Ana waugu tate mal᷊annu lai sarangkanambone indi sarun mariaddi.

LUKAS 19:43

I'o sarun maapendamma su sambau tempo, suapan manga seennu ma'ola'a anambon asasusa su pabbiaṛṛannu miallo-miallo; i mangitou sarun mamangalo malliwunna si'o wuṛṛu manessengngu wuassu al᷊awo'u pabbuuanne.

DANIEL 9:23

Sutempo i'o mannattakke sussal᷊ande Ruata, i Tou nangonggollu sasimbakke. I ya'u nirumanta mamasingkatta ana waugu i Tou marangngu si'o. Ne, paddaringikke paapia-pia tantal᷊anna i ya'u manal᷊a'an atappasannu sondappa udde.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

WATTI'U MANGA RASUL 6:13

Wuṛṛu i mangitou lai nangapiddu manga mattatiala apan mangngonggolu tal᷊a'a awusu su ola'i Stefanus. Manga mattatiala udde nabbisara, “Taumata indi sidutu mangngadio'a Wal᷊e Mawu apan na'ukkassa, wuṛṛu mangngadio'a manga parentan Ruata apan niapaasingkatti Musa.

SONDAPPA 3:22

Isai-sai wotongnge maaringikka, ṛinone manutukka apa apan niapaasingkatu Ghaṛṛahon Ruata su manga jamaatta!”

WATTI'U MANGA RASUL 21:28

lapiddu u'ui, “Ei, manga taumatan Israel, ontol᷊e! Ete indi taumatane apan mammal᷊intadu al᷊awo'u wanua mangngaṛṛa'a anambon taumata manga al᷊aṛṛa'a apan ipannompolla walahannu Israel, wuṛṛu mannompola Tita Musa wuṛṛu mannompolla Wal᷊e Mawu indi. Wuṛṛu orassa indi ewe'e i tou lai mangapiddu manga taumata apan wal᷊ine Yahudi su mutta sulal᷊ummu Wal᷊e Mawu wuṛṛu mandal᷊eo tampa na'ukkassa indi!” (

YEHEZKIEL 40:4

Esakka udde nabbisara si ya'u, “Ei taumata apan mattate, paddaringikke paapia-pia wuṛṛu panutukke al᷊awo'u inolaanna apan ta'u iapasilo si'o, ana waugu eteudde i'o niapidda inawarendi. Pasingkata'e su walahannu Israel sarangkanambone apan ellehannu.”

YOHANES 11:48

Amungkangngu i ite sidutu mamalan Tou arendi, manambo taumata sarun mangngimanna si Tou. Wuṛṛu panginsueanne tembonannu Roma sarun rumanta wuṛṛu manggohakku Wal᷊e Mawu wuṛṛu anambon walahanni ite!”

YEREMIA 44:29

I Ya'u sarun mandantan asasilaka si yamiu su tampa indi tadea'u ipaniala si yamiu manungku ṛuumanna apan Ta'u nihol᷊aga atonna-tonna mariaddi.

DANIEL 1:6

Suwallattu manga umbasanna isudde lai Daniel, Hananya, Misael wuṛṛu Azarya, sarangkanambone wuassu ṛuanganni Yehuda.

MATIUS 24:16

Su tempo udde taumata uatana'a su Yudea sarun tumal᷊angnga watukku panenteanna.