MATIUS 24:1 - WUKE SUSI WATTI'U AL᷊AL᷊USASSA

¹ Su tempo Mawu Yesus nanantangngu Wal᷊e Mawu, manga mallal᷊aṛṛenggen-Ne nirumanta ringanni Tou nanta'e watukku manga Wal᷊e Mawu.

MATIUS 24:1 Referans Kwoze

YEHEZKIEL 8:6

Ruata nabbisara si ya'u, “Ei taumata apan mattate, i'o maasilo apa apan tantal᷊anna nariaddi? Panutukke manga inolaanna apan maarantinna apan niola'u taumatan Israel, apan mapaarau-U wuassu Wal᷊e-U! Wette, sarun Ta'u ita'e si'o manga inolaanna apan lembon maarantinna lai.”

MATIUS 23:39

Paasingkate: Manattakka wuassu orassa indi, i'o tate lai maasilo si Ya'u ma'oman sara i'o mabbisara, ‘Nial᷊amatanna i Tou apan nirumanta ringannu arannu Mawu.’ ”

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

YOHANES 2:20

See i mangitou nabbisara, “Appattu pul᷊o annumma su tonnane nipaatta mapararisikku Wal᷊e Mawu indi. Wuṛṛu I'o sarun mapararisikka apia sulal᷊ummu tallu allo?”

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

YEREMIA 51:61

Wua'udde i ya'u nabbisara si Seraya, “Napawe i'o na'omate su Babel, paddea'e lal᷊anne tadea'u anambon woṛṛetta sulal᷊ummu buke indi wotongnge iwasanu su manga taumata poiaroddi.