MATIUS 23:9 - WUKE SUSI WATTI'U AL᷊AL᷊USASSA

⁹ Wuṛṛu arie lai yamiu mamaggo saran sangkatou su runia indi ‘Iamangnga’, ana waugu Iamangngu tumba'u sambau, eteudde Iamangnga apan su surga.

MATIUS 23:9 Referans Kwoze

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

WATTI'U MANGA RASUL 22:1

“Manga iamangnga wuṛṛu manga tuṛṛangnga sarangkanambone! I ya'u sarun manapputu atatul᷊i'u si yamiu. Daringiṛṛe'o!”

2 MARARATU 2:12

I Elisa naasilo si tou, ana see nangintuli, “Elia, Papa'u! Papa'u! Mallal᷊u'addu Israel apan matohassa! Papa napul᷊ete!” Ne i Elia nawul᷊ite wuassu aellegi Elisa. Ringannu massusa i Elisa nanggesa'a jubane natahia darua,

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

2 MARARATU 13:14

Sutempo sambau i Nabi Elisa maradda'a mawakkata, wuṛṛu i Ratu Yoas nirumanta mattembo si tou. Napawe i tou naasilo si Elisa maraniten mate, ratu udde nilumuai wuṛṛu nabbisara, “Papa'u, Papa'u, mananahekku Israel apan bahewalla!”

2 MARARATU 6:21

Napawe ratun Israel naasilo manga taumatan Siria udde, i tou naiwal᷊o, “Elisa, ṛinonewe i ya'u mamate manga taumatan Siria indi?”

MATIUS 23:10

Wuṛṛu arie lai yamiu maapulu wagoanna ‘Piaṛṛangnge’, ana waugu piaṛṛa'i yamiu tumba'u sangkatou, eteudde Ratum Punnu Sal᷊amatta apan suete pina'ire Ruata.