MATIUS 23:8 - WUKE SUSI WATTI'U AL᷊AL᷊USASSA

⁸ Arawe i yamiu, ariewe maapulu wagoanna ‘Iamangnga Huru’, ana waugu Hurunu tumba'u sambau wuṛṛu i yamiu sarangkanambone sangkatuṛṛangnganna.

MATIUS 23:8 Referans Kwoze

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

MATIUS 23:10

Wuṛṛu arie lai yamiu maapulu wagoanna ‘Piaṛṛangnge’, ana waugu piaṛṛa'i yamiu tumba'u sangkatou, eteudde Ratum Punnu Sal᷊amatta apan suete pina'ire Ruata.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 22:9

arawe i tou nabbisara si ya'u, “Arie! Arie massubba si ya'u! Passubate Ruata! Ana waugu i ya'u lai allangnga ere i'o, wuṛṛu ere manga tuṛṛangnga manga nabi wuṛṛu anambon taumata apan tuttuṛṛuta manga tanata sulal᷊ummu wuke indi!”

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

EFESUS 3:15

Ete wuassi Tou suapan amonanna su surga wuṛṛu su runia menengkamma pallal᷊agu-Ne apan apianne.

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

MATIUS 26:49

Aroddi na'omate su tampa udde, i Yudas lapiddu inai ringannu Mawu Yesus wuṛṛu nabbisara, “Tabea, Iamangnga Huru!” See i tou nangaria'a Mawu Yesus.

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 23:7

I mangitou lulluassa amungkangngu aaddatannu taumata su manga pasakka wuṛṛu wabbagoanna ‘Iamangnga Huru’.

MATIUS 26:25

See i Yudas taumata lal᷊eo udde nabbisara, “Atonna wal᷊inewe i ya'u apan supandumanni Iamangnga Huru?” Mawu Yesus sinumimbakka, “Aroddi ere su wisaranu!”

MARKUS 9:5

Ne i Petrus nabbisara su Mawu Yesus, “Iamangnga Huru, mapia atonna i ite isindi. Mappianne i yami mapararisikku rasanna tatallu: sambau su Iamangnga, sambau si Musa, wuṛṛu sambau lai si Elia.”

MARKUS 10:51

“Apa ipaapulunu Ta'u olaang-Ku si'o?” aiwal᷊o Mawu Yesus si tou. Taumata wuta udde sinumimbakka, “Iamangnga Huru, i ya'u maapulu maasilo.”

MARKUS 11:21

See i Petrus naanaungnga apa apan suete nariaddi su allo nal᷊iu. Ne i Petrus nabbisarate Mawu Yesus, “Iamangnga Huru, pa'ellega! Alu ara apan suete nital᷊an Iamangnga udde, naṛṛangute!”

MARKUS 14:45

Su tempo i Yudas nirumanta, i tou lapiddu inai ringannu Mawu Yesus wuṛṛu nabbisara, “Iamangnga Huru!” wua'udde i tou nangari'a Mawu Yesus.

YOHANES 1:38

Mawu Yesus nanaile su liudde, wuṛṛu naasilo si mangitou uatantalongnga si Tou, i Tou naiwal᷊o, “Yamiu maddea'a apa?” I mangitou sinumimbakka, “Rabi, Rabi uatana'a suapa?” (Wisara ‘Rabi’ atappasanne huru.)

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 3:2

Su sambau ṛabbi i tou nirumanta ringannu Mawu Yesus wuṛṛu nabbisara, “Iamangnga Huru, i yami masingkatta Iamangnga nirolokku Ruata. Ana waugu tawe saran sangkatou apan wotongnge ma'aola'a tanda ma'aṛṛindu'a ere niola'u Iamangnga, amungkangngu Ruata tawe uaṛṛundinganna si tou.”

YOHANES 3:26

I mangitou inaite ringanni Yohanes, wuṛṛu nabbisara, “Iamangnga Huru, Iamangnga ta'e ma'anaungnga taumata apan su sambau ringannu Iamangnga su samba'an Sal᷊ukku Yordan udde, apan tina'en Iamangnga dorone? I tou orassa indi lai mannaṛṛani wuṛṛu manambo taumata rudanta ringanni-Tou!”

YOHANES 4:31

Tantal᷊anna udde manga mallal᷊aṛṛenggen-Ne nangahe Mawu Yesus umanna. “Iamangnga Huru,” unni mangitou, “sal᷊amatte umanna.”

YOHANES 6:25

Napawe manga taumata udde nassombate Mawu Yesus su samba'an rano, i mangitou naiwal᷊o si Tou, “Iamangnga Huru, ro'en angngera Iamangnga na'oma isindi?”

YOHANES 9:2

Manga mallal᷊aṛṛenggennu Mawu Yesus naiwal᷊o Mawu Yesus, “Iamangnga Huru, anio taumata indi niasungkangnga matane wuta? Apa ana waugu i tou sassane marosa ara'e hagurangnge marosa?”

YOHANES 11:8

I mangitou sinumimbakka, “Iamangnga Huru, wakkute tanginna manga taumatan Yahudi ma'apulu manuntungngu watu su Iamangnga see orassa indi Iamangnga maapulu mabelengnga apia poiaroddi?”

YOHANES 20:16

Mawu Yesus nabbisara si tou, “Maria!” I Maria nanaile Mawu Yesus see nabbisara sulal᷊ummu wisaran Ibrani, “Rabuni!” (Atatappasanne “Huru”.)

FILEMON 1:16

Orassa indi i tou wal᷊ine tumba'u sangkatou allangngu, i tou nangillembo wua isudde. I tou uddewe nassul᷊ungngu taumatan Saṛṛani apan arangnguanna. I tou lembon mahuna si'u, lembonete lai si'o! I tou lembon mahuna lai mawae ere sangkatou allangnga aroddi lai ere sangkatou tuṛṛangnga sulal᷊ummu Mawu!