MATIUS 23:13 - WUKE SUSI WATTI'U AL᷊AL᷊USASSA

¹³ “Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 23:13 Referans Kwoze

LUKAS 11:52

Nasilakate i yamiu, manga hurun agama! A'unsi ipamu'a ngaran apande sasahipunanni yamiu, arawe i yamiu sassane maddiri sumutta sulal᷊umme maddea'a apande udde. Arawe i yamiu mangngul᷊a'ukku manga taumata apan maapulu sumutta sulal᷊umme!”

MATIUS 23:29

“Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu napararisikku holangnga apan maṛṛansangnga su manga nabi, wuṛṛu nallogakka manga palem pananaunganna su manga taumata apan mabbiakka matul᷊idda.

MATIUS 23:27

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu naal᷊ihidda ere manga holangnga apan niwuṛṛannu mawira; su liudde ellehanna maṛṛansangnga, arawe sulal᷊umme napenen duṛṛi wuṛṛu sarangkanambone apan mawuku'a.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

ZAKARIA 11:17

Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

WATTI'U MANGA RASUL 8:1

Wuṛṛu i Saulus lulluassa lai su ola'u pamamate udde. Allo udde lai jamaatta su Yerusalem mannattake a'enggenanna, na'oman sara anambon taumata mangngimanna, tabene'e manga rasul, nassal᷊iawukke watukku ahewallu leta'u Yudea wuṛṛu Samaria.

2 TIMOTIUS 4:15

I'o sassane ṛinone paatehamma si tou, ana waugu i tou maddiri maddaringikka watti'i ite.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

2 TIMOTIUS 3:8

Su ereapa Yanes wuṛṛu Yambres nilumawangnga si Musa rorone, aroddi lai manga taumata udde nilumawangnga al᷊aṛṛa'a wuassu Ruata. Ṛingidi mangitou nahohakke, wuṛṛu pangangimanni mangitou nisiladde.

WATTI'U MANGA RASUL 13:8

Arawe i Barnabas wuṛṛu i Saulus siningaddi Elimas taṛṛa wal᷊iimmata udde, ana waugu i Elimas (eteudde aranne sulal᷊ummu wisaran Yunani) maddea'a tadea'u gubernure udde tawe mangngimanna Mawu Yesus.

WATTI'U MANGA RASUL 5:40

Ne manga rasul udde niwagoante, see nihesekka, wua'udde nisingadda mangaṛṛa'a apia al᷊aṛṛa'u Mawu Yesus. Wua'udde i mangitou nipallosse.

WATTI'U MANGA RASUL 5:28

I tou nabbisara, “I yami suete naningaddi yamiu tadea'u ariete pangaṛṛa'u arannu taumata udde. Arawe orassa indi pa'ellege apa inolaanni yamiu! I yamiu mannal᷊iawukku al᷊aṛṛa'i yamiu su ahewallu Yerusalem, wuṛṛu i yamiu mangngansilla manungku ete i yami nipandansilanannu papaten taumata udde.”

YOHANES 9:34

Sasimbakki mangitou, “Apa? I'o apan napenen rosa ro'e niariaddine, i'o ma'apulu mangngaṛṛa'a si yami?” Ne nanattakka orassa udde i tou isassingadde sumutta su wal᷊em pattataṛṛamawuanna.

YOHANES 9:24

See i mangitou namago apia taumata apan tanginna wuta udde, wuṛṛu nabbisara si tou, “Passalute manungku i'o mabbisara su ṛinone. I yami masingkatta taumata udde taumata marosa.”

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

MATIUS 23:25

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! Manga mangko wuṛṛu manga lama'i yamiu niukkassa waresi-waresi su liudde, arawe sulal᷊umme nallal᷊uhuranna ringannu al᷊awo'u apa apan niasombanganni yamiu ringannu araṛṛagissa wuṛṛu awawal᷊iu.

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MATIUS 23:16

Nasilakate i yamiu manga piaṛṛangnge apan buta! I yamiu mangngaṛṛa'a ereindi, ‘Amungkangngu taumata massalu ringannu arannu Wal᷊e Mawu, taumata udde tawe aiitannu sasalune; arawe amungkangngu i tou nassalu ringannu arannu wul᷊awanna sulal᷊ummu Wal᷊e Mawu, i tou aiitannu sasalune udde.’